विधानसभा पावसाळी अधिवेशन: धनंजय मुंडे यांनी टीम इंडिया साठी मांडला अभिनंदन ठराव, सभासदांचं एकमताने अनुमोदन
विरोधी पक्ष नेते धनंजय मुंडे यांनी आज, विधानसभेच्या पावसाळी अधिवेशनात टीम इंडियाच्या विश्व चषक सामन्यातील कामगिरीच्या कौतुकासाठी एक अभिनंदनाच ठराव मांडला होता. इतर सदस्यांनी त्याला अनुमोदन देऊन विराट ब्रिगेडचे कौतुक केले आहे.
महाराष्ट्र मंत्री मंडळाचा विस्तार कार्यक्रम पार पडल्यावर आज 17 जून पासून विधी मंडळाच्या पावसाळी अधिवेशनाला (Maharashtra Assembly monsoon Session) सुरवात झाली. खरतर सत्तेतली आणि विरोधी पक्षातील राजकीय मंडळी एकत्र आल्यावर आरोप प्रत्यारोप, भांडणं इतकंच काय तर प्रसंगी मारामारीच्या घटना देखील आजवर तुम्ही ऐकल्या असतील.पण आज, विरोधी पक्ष नेते धनंजय मुंडे (Dhananjay Munde) यांनी संसदेत मांडलेल्या एका ठरावावर सर्व सभासंदांनी आनंदाने अनुमोदन दिल्याचा प्रसंग समोर आला आहे. कालच्या भारत विरुद्ध पाकिस्तान सामन्यात टीम इंडिया (Team India)ला मिळालेल्या यशाचे कौतुक करून त्यांना अभिनंदन करण्याचा हा ठराव मांडल्याची माहिती मुंडे यांनी आपल्या ट्विटर अकाउंट वरून दिली आहे.
धनंजय मुंडे ट्विट
क्रिकेट वर्ल्ड कपमध्ये भारताने काल पाकिस्तानवर दणदणीत विजय मिळवला. त्याबद्दल भारतीय क्रिकेट संघाचे अभिनंदन व पुढील सामन्यांसाठी शुभेच्छा देणारा ठराव आज विधान परिषदेत मांडला.#CongratulationsIndia #MonsoonSession #TeamIndia pic.twitter.com/w3R7G76ycc
— Dhananjay Munde (@dhananjay_munde) June 17, 2019
आयसीसी विश्वचषक सामन्यात काल विराट ब्रिगेड ने पाकिस्तानी संघाला 89 धावांनी मागे टाकत दणदणीत विजय मिळवला, विश्वचषकाच्या इतिहासात हा भारताने सातव्यांदा पाकिस्तानी संघाचा पराभव केला आहे. या निमित्ताने काल पासूनच देशात जोरदार सेलिब्रेशन सुरु आहे अनेक राजकीय मंडळींनी देखील टीम इंडियावर कौतुकांचा वर्षाव केला आहे, धनंजय मुंडे यांनी देखील भारतीय संघाला शुभेच्छा देऊन अभिनंदन करण्याचा प्रस्ताव आज विधानसभेत मांडला त्यानंतर सर्व सदस्यांनी याला टाळ्या वाजवून अनुमोदन दिले. IND vs PAK, ICC World Cup 2019: "भारताचा पाकिस्तान वर आणखीन एक स्ट्राईक", अमित शहा यांचं टीम इंडियासाठी खास ट्विट
दरम्यान मागील काही दिवसांपासून धनंजय मुंडे हे सरकारी जमीन लागल्याच्या आरोपावरून कायद्याच्या कचाट्यात सापडले होते मात्र आता त्यांना न्यायालयाकडून दिलासा देण्यात आला आहे. त्यानंतर आजपासून सुरु झालेल्या विधानसभा पावसाळी अधिवेशनात मुंडे विरोधी पक्ष नेता म्हणून रुजू झाले आहेत.
(The above story first appeared on LatestLY on Jun 17, 2019 01:34 PM IST. For more news and updates on politics, world, sports, entertainment and lifestyle, log on to our website latestly.com).
