Maha Metro In Nagpur: नितीन गडकरी यांनी रचला इतिहास; महाराष्ट्रातील मेट्रोचे Asia Book of Records आणि India Book of Records मध्ये नोंदवले नाव
महामेट्रोने ऑटोमोटिव्ह स्क्वेअर ते खापरीपर्यंत उत्तर-दक्षिण कॉरिडॉर आणि प्रजापती नगर ते लोकमान्य नगर या पूर्व-पश्चिम कॉरिडॉरवरील संपूर्ण प्रकल्प पूर्ण केला आहे.
केंद्रीय मंत्री नितीन गडकरी यांनी आणखी एक इतिहास रचला आहे. केंद्रीय मंत्री नितीन गडकरी यांचा ब्रेन चाइल्ड प्रोजेक्ट – नागपूरमधील (Nagpur) वर्धा रोडवरील राष्ट्रीय महामार्गावरील आशियातील सर्वात मोठा 3.14 किमी लांबीचा डबल डेकर मेट्रो पूल आणि डबल डेकर पुलावरील तीन मेट्रो स्थानकांसाठी एशिया बुक ऑफ रेकॉर्ड आणि इंडिया बुक ऑफ रेकॉर्डमध्ये महा मेट्रोचे नाव नोंदवले गेले आहे. एशिया बुक ऑफ रेकॉर्ड्स आणि इंडिया बुककडून सन्मान मिळाल्यानंतर केंद्रीय मंत्री नितीन गडकरी यांनीही टीम महा मेट्रो आणि टीम एनएचएआयचे अभिनंदन केले.
केंद्रीय मंत्री नितीन गडकरी यांनी ट्विट केले, 'आणखी एक विश्वविक्रम! नागपूरमध्ये जागतिक विक्रम साध्य केल्याबद्दल टीम महा मेट्रो आणि टीम NHAI चे हार्दिक अभिनंदन: महामार्ग उड्डाणपूल आणि सिंगल कॉलम पिअरवर आधारित मेट्रो रेल्वेसह सर्वात लांब डबल डेकर पूल (3.14 किमी) बांधला गेला आहे.’
Another World Record in the Bag!
Heartiest Congratulations to Team Maha Metro & Team NHAI on achieving the world record in Nagpur by:
-Constructing longest Double Decker Viaduct (3.14 KM) with Highway Flyover & Metro Rail Supported on single column piers. @MetroRailNagpur pic.twitter.com/0kZhwtiiva
— Nitin Gadkari (@nitin_gadkari) July 10, 2022
आणखी एका ट्विटमध्ये नितीन गडकरींनी लिहिले. ‘नागपुरातील डबल डेकर ब्रिजवर जास्तीत जास्त मेट्रो स्टेशन (3 मेट्रो स्टेशन) बांधणे. आशिया बुक ऑफ रेकॉर्ड्स आणि इंडिया बुक ऑफ रेकॉर्ड्समध्ये नाव नोंदवले गेले, हा खरोखरच संपूर्ण देशासाठी अभिमानाचा क्षण आहे.’ (हेही वाचा: 'राज्यात स्वच्छता मोहिमेची व्याप्ती वाढवावी, शौचालये दुरुस्ती डागडुजीला शासन करणार सर्व मदत'- CM Eknath Shinde)
-Constructing Maximum Metro stations (3 Metro Stations) on Double Decker Viaduct in Nagpur.
Recognized by Asia Book of Records & India Book of Records, this is indeed a proud moment for the entire country. #GatiShakti #BuildingTheNation pic.twitter.com/ZUd0QEZOha
— Nitin Gadkari (@nitin_gadkari) July 10, 2022
डिटेल्ड प्रोजेक्ट रिपोर्ट (DPR) नुसार, संपूर्ण नागपूर मेट्रो रेल्वे मार्ग कार्यान्वित होण्यासाठी सज्ज आहे, फक्त सरकारच्या ग्रीन सिग्नलची प्रतीक्षा आहे. विशेष म्हणजे, महामेट्रोने ऑटोमोटिव्ह स्क्वेअर ते खापरीपर्यंत उत्तर-दक्षिण कॉरिडॉर आणि प्रजापती नगर ते लोकमान्य नगर या पूर्व-पश्चिम कॉरिडॉरवरील संपूर्ण प्रकल्प पूर्ण केला आहे. दुसरीकडे, महामेट्रोचे व्यवस्थापकीय संचालक ब्रिजेश दीक्षित यांनी सांगितले आहे की, ते ट्रेन धावण्यासाठी आता उद्घाटनाच्या तारखेची वाट पाहत आहेत. केंद्रीय परिवहन मंत्री नितीन गडकरी यांनी सांगितले की, ही तारीख लवकरच जाहीर होईल.
(The above story first appeared on LatestLY on Jul 11, 2022 04:21 PM IST. For more news and updates on politics, world, sports, entertainment and lifestyle, log on to our website latestly.com).
