Government Job: सरकारी विभागात नोकरीची सुवर्णसंधी; महिला व बालविकास विभागात नोकर भरती
नोकरीच्या शोधात असणाऱ्या तरुणांसाठी महत्त्वाची बातमी आहे. महिला व बालविकास विभागात भरती सुरु आहे. सरकारी विभागात नोकरी करण्याची सुवर्णसंधी तुमच्याकडे आहे. या नोकरीबाबत महिला बाल विकास विभाग, महाराष्ट्र राज्य, पुणे द्वारे प्रकाशित करण्यात आली आहे.
Government Job: महिला व बालविकास विभागात नोकर भरती केली जाणार (Department of Women and Child Welfare) आहे. महाराष्ट्र राज्य बाल हक्क आणि संरक्षण आयोगावर ही भरती केली जाणार आहे. एकूण 7 रिक्त पदांवर ही भरती (Recruitment) केली जाणार आहे. या नोकरीसाठी ऑफलाइन पद्धतीने अर्ज करायचे आहे. या नोकरीसाठी अर्ज करणारा उमेदवार पदवीधर असणे गरजेचे आहे.
या नोकरीसाठी अर्ज करणाऱ्या उमेदवाराची कमाल वयोमर्यादा 65 वर्षे असावी. अध्यक्ष पदासाठी अर्ज करणाऱ्या उमेदवाराने बालकांच्या कल्याण व विकासाशी निगडीत काम केलेले असावे. सदस्य पदासाठी अर्ज करणाऱ्या उमेदवाराने याआधी दोन वेळा अध्यक्ष आणि सदस्य म्हणून काम केलेले असावे. महिला व बालविकास विभागातील या भरतीची माहिती https://www.maharashtra.gov.in/ या वेबसाइटवर उपलब्ध आहे.
नोकरीसाठी अर्ज करण्याची शेवटची तारीख 16 जानेवारी 2025 आहे. इच्छुक उमेदवारांनी अर्ज आयुक्त कार्यालय, महिला व बालविकास आयुक्तालय, 28 राणीची बाग, जुन्या सर्किट हाऊसजवळ, महाराष्ट्र राज्य- पुणे 1 येथे पाठवायचा आहे.
(The above story first appeared on LatestLY on Jan 04, 2025 12:44 PM IST. For more news and updates on politics, world, sports, entertainment and lifestyle, log on to our website latestly.com).
