Corona Virus Update: गेल्या 24 तासांत मुंबईत आढळले 20 हजार 318 कोरोना रुग्ण, 5 बाधितांचा मृत्यू
मुंबईत कोरोनाचा (Corona Virus) कहर सुरूच आहे. संपूर्ण देशात कोरोना संसर्गाचे सर्वाधिक प्रमाण मुंबईतच दिसून येत आहे. शनिवारी मुंबईत 20 हजार 318 कोरोना रुग्ण आढळून आले आहेत. याशिवाय 5 जणांचा कोरोनामुळे मृत्यू झाला आहे. अशाप्रकारे मुंबईत सलग तिसऱ्या दिवशी वीस हजारांहून अधिक कोरोना रुग्णांची नोंद झाली आहे.
मुंबईत कोरोनाचा (Corona Virus) कहर सुरूच आहे. संपूर्ण देशात कोरोना संसर्गाचे सर्वाधिक प्रमाण मुंबईतच दिसून येत आहे. शनिवारी मुंबईत 20 हजार 318 कोरोना रुग्ण आढळून आले आहेत. याशिवाय 5 जणांचा कोरोनामुळे मृत्यू झाला आहे. अशाप्रकारे मुंबईत सलग तिसऱ्या दिवशी वीस हजारांहून अधिक कोरोना रुग्णांची नोंद झाली आहे. वांद्रे येथील एका इमारतीत 68 हून अधिक कोरोना रुग्ण आढळले आहेत. सीबीआय कार्यालयातील 235 लोकांची कोरोना चाचणी करण्यात आली. यातील 68 जणांना कोरोनाची लागण झाल्याचे आढळून आले आहे. धारावीमध्ये 147 प्रकरणे आढळून आली. त्याचप्रमाणे दादरमध्ये 213 आणि माहीममध्ये 274 कोरोना बाधित आढळले आहेत.
गेल्या आठ दिवसांत मुंबईत कोरोना संसर्गाचा वेग झपाट्याने वाढला आहे. या सततच्या वाढत्या कोरोना संसर्गामुळे मुंबई महानगरपालिका (BMC) प्रशासनासह सर्वसामान्य मुंबईकरांची चिंताही वाढली आहे. बीएमसीने दिलेल्या माहितीनुसार, आज 6000 लोक कोरोनापासून बरे झाले. 5 जणांचा कोरोनामुळे मृत्यू झाला आहे. पॉझिटिव्ह आढळल्यानंतर 1257 लोकांना रुग्णालयात दाखल करण्यात आले. आज आढळलेल्या कोरोना बाधितांपैकी 16 हजार 661 जणांमध्ये कोरोनाची लक्षणे दिसून आली नाहीत. हेही वाचा Corona Virus Update: मुंबईत लॉकडाऊनच्या भीतीने परप्रांतीय मजुरांचे पलायन सुरू, अफवांना बळी न पडण्याचे प्रशासनाचे आवाहन
या सर्वांना होम क्वारंटाईन करण्यात आले आहे. मुंबईत कोरोना बरे होण्याचे प्रमाण 86 टक्के आहे. मुंबईत कोरोनाचा दुप्पट होण्याचा दर 47 दिवसांवर गेला आहे. दरम्यान, मुंबईतील वांद्रे कुर्ला कॉम्प्लेक्समध्ये असलेल्या सीबीआय कार्यालयाच्या वतीने मुंबई महानगरपालिकेला (BMC) त्यांच्या कर्मचाऱ्यांची आणि अधिकाऱ्यांची कोरोना चाचणी करण्याची विनंती करण्यात आली होती. अशा 235 कर्मचाऱ्यांची कोरोना चाचणी करण्यात आली. त्यापैकी 68 जण कोरोना पॉझिटिव्ह आढळले आहेत. त्यांना होम क्वारंटाईन करण्यास सांगण्यात आले आहे.
Mumbai logs 20,318 fresh COVID cases and 5 deaths today
Active cases: 1,06,037
Bed occupancy: 21.4% pic.twitter.com/H5vvulSMHZ
— ANI (@ANI) January 8, 2022
पुण्यातही कोरोनाचा प्रादुर्भाव सातत्याने वाढत आहे. शनिवारी पुण्यात 2471 नवीन रुग्ण आढळले. एका दिवसात 3 जणांचा कोरोनाने मृत्यू झाला. याशिवाय 711 लोक कोरोनामुक्त झाले आहेत. पुण्यात आतापर्यंत कोरोना बाधितांची संख्या 5 लाख 22 हजार 6 वर पोहोचली आहे. एकूण सक्रिय कोरोना रुग्णांची संख्या 11 हजार 550 आहे. पुण्यात आतापर्यंत 9 हजार 126 जणांचा कोरोनामुळे मृत्यू झाला आहे.
(The above story first appeared on LatestLY on Jan 08, 2022 08:25 PM IST. For more news and updates on politics, world, sports, entertainment and lifestyle, log on to our website latestly.com).
