Konkan Rain Updates: कोकणात मुसळधार! जगबुडी नदीने ओलांडली धोक्याची पातळी, नारंगी नदीला पूर (Watch Video)
रत्नागिरी जिल्ह्याला पावसाने अक्षरश: झोडपून काढले आहे. खेड तालुक्यात झालेल्या पावसामुळे जगबुडी नदीला महापूर आला आहे. नदीने धोक्याची पातळी गाठली आहे.
Konkan Rain Updates: कोकणात मुसळधार पाऊस सुरू आहे. नद्या-नाले तुडूंब भरून वाहत आहेत. रत्नागिरी जिल्ह्याला पावसाने अक्षरश: झोडपून काढले आहे. खेड तालुक्यात झालेल्या पावसामुळे जगबुडी नदीला महापूर आला आहे. नदीने धोक्याची पातळी गाठल्यामुळे नदीकाठच्या घरांमध्ये पाणी शिरलं आहे. त्यामुळे अनेकांचे संसार उघड्यावर पडले आहे. जगबुडी नदीसोबतच नारंगी नदीला देखील पूर आला आहे. पुराचं पाणी रस्त्यावर येत असल्याने खेड-दापोली मार्गावरची वाहतूक बंद होण्याची शक्यता आहे. गेल्या तीन तासांपासून खेडमध्ये मुसळधार पाऊस सुरू आहे. नदीकाठची शेती पाण्याखाली गेल्याने जनजीवन विस्कळीत झालं आहे. (हेही वाचा:Sinhagad Trek: आतकरवाडी मार्गावर दरड कोसळली, ट्रेक करण्याचा मार्ग टाळण्याचे वन विभागाकडून आवाहन )
व्हिडीओ पहा
Maharashtra: Due to heavy rainfall in Ratnagiri, the Jagbudi river is approaching danger levels in certain areas. With continuous rainfall over the past two days, the city could potentially face flooding. Apart from Jagbudi, 7 major rivers in the district are currently below… pic.twitter.com/9b8NEzHOC2
— IANS (@ians_india) July 14, 2024
पावसाचा जोर वाढल्यास खेडमध्ये पुराचा धोका कायम आहे. त्यामुळे नगर परिषद कडून नागरिकांना खबरदारीच्या सूचना देण्यात आल्या आहेत. या महापुराचा धडकी भरवणारा व्हिडीओ समोर आला आहे. शनिवार आणि रविवारी पहाटेपासूनच रत्नागिरी जिल्ह्यात पावसाची संततधार सुरू आहे. त्यामुळे खेड मटण मार्केटमधे पुराचं पाणी शिरलं आहे.
(The above story first appeared on LatestLY on Jul 14, 2024 02:56 PM IST. For more news and updates on politics, world, sports, entertainment and lifestyle, log on to our website latestly.com).
