Betting: गुजरात टायटन्स आणि पंजाब किंग्ज सामन्यादरम्यान सट्टा लावणारे आठ जण अटकेत, नवी मुंबई पोलिसांची कारवाई
Representational Image (Photo Credit: File Photo )

नवी मुंबई पोलिसांच्या (Navi Mumbai Police) दोन गुन्हे शाखेच्या तुकड्यांनी मंगळवारी रात्री डीवाय पाटील स्टेडियमवर (DY Patil Stadium) आयपीएल सामन्यादरम्यान (IPl Match) थेट सट्टा लावणाऱ्या आठ जणांना अटक (Arrested) केली आहे. गुजरात टायटन्स आणि पंजाब किंग्ज यांच्यातील सामन्यादरम्यान आरोपी बेटिंग (Betting) करत होते. कारवाई दरम्यान, पोलिसांनी 13 मोबाईल फोन आणि  32,670 रोख जप्त केले. या टोळीने बेटिंगसाठी वापरलेले सिमकार्ड बनावट कागदपत्रांच्या आधारे मिळवल्याचे तपासात समोर आले आहे. सहाय्यक पोलिस निरीक्षक गंगाधर देवडे यांना माहिती मिळाल्यानंतर, वरिष्ठ निरीक्षक निवृत्ती कोल्हटकर आणि त्यांच्या पथकाने मंगळवारी रात्री 10 वाजता डीवाय पाटील स्टेडियमला ​​भेट दिली.

आरोपी मोबाइल अॅप्स आणि वेब ब्राउझर वापरून सट्टेबाजी करत असल्याचे आढळले, असे गुन्हे शाखेचे डीसीपी सुरेश मेंगडे यांनी सांगितले. दरम्यान, गुन्हे शाखेच्या युनिट तीनने सट्टेबाजी करणाऱ्या चार आरोपींना पकडले. आम्ही आरोपींकडून मोबाईल फोन आणि रोख रकमेसह  3.20 लाख किमतीच्या मौल्यवान वस्तू जप्त केल्या आहेत, युनिट III गुन्हे शाखेचे वरिष्ठ पोलिस निरीक्षक शत्रुघ्न माळी यांनी सांगितले. हेही वाचा Murder: मालाडमध्ये चारित्र्यावर संशयावरून 75 वर्षीय व्यक्तीकडून 70 वर्षीय पत्नीची हत्या

मुंबई जुगार कायदा, इंडियन टेलिग्राफ अॅक्ट, आयटी अॅक्ट आणि बनावट कागदपत्रांखाली नेरूळ पोलिस ठाण्यात या दोन्ही गुन्ह्यांची नोंद करण्यात आली आहे.  आयपीएल हंगाम सुरू झाल्यापासून आरोपींनी कोट्यवधी रुपयांचा सट्टा लावल्याचा अंदाज वर्तवला जात असून पुढील तपास सुरू आहे.