Dolly Chaiwala Spotted At BJP Rally: नागपुरात भाजपच्या रॅलीत दिसला डॉली चायवाला; राजकारणात प्रवेश करण्याच्या अटकळांना उधाण
नागपूर पूर्व येथील भाजप (BJP) उमेदवाराच्या समर्थनार्थ आयोजित प्रचार सभेला प्रसिद्ध डॉली चायवाला (Dolly Chaiwala) उपस्थित होता. प्रचारादरम्यान डॉली चायवाला भाजपचे ज्येष्ठ नेते आणि नागपूरचे प्रभारी कैलाश विजयवर्गीय यांच्यासोबत दिसला.
Dolly Chaiwala Spotted At BJP Rally: महाराष्ट्रात विधानसभा निवडणुकीची (Maharashtra Assembly Election 2024) तारीख आता जवळ आली आहे. त्यामुळे सर्वच राजकीय पक्ष निवडणुकीच्या प्रचारात व्यक्त आहेत. प्रचारासाठी अनेक नेते सेलिब्रिटींची मदत घेत आहेत. असेच दृश्य गुरुवारी नागपुरात पाहायला मिळाले. नागपूर पूर्व येथील भाजप (BJP) उमेदवाराच्या समर्थनार्थ आयोजित प्रचार सभेला प्रसिद्ध डॉली चायवाला (Dolly Chaiwala) उपस्थित होता. प्रचारादरम्यान डॉली चायवाला भाजपचे ज्येष्ठ नेते आणि नागपूरचे प्रभारी कैलाश विजयवर्गीय यांच्यासोबत दिसला.
महाराष्ट्र विधानसभा निवडणुकीचा प्रचार अंतिम टप्प्यात आला आहे. अशा परिस्थितीत मतदारांना आकर्षित करण्यासाठी सर्वच राजकीय पक्ष सेलिब्रिटींची मदत घेत आहेत. भाजप नेते कैलाश विजयवर्गीय यांनी त्यांच्या सोशल मीडिया प्लॅटफॉर्मवर डॉली चायवालासोबतचा फोटो शेअर केला आहे. (हेही वाचा -Maharashtra Assembly Election 2024: विधानसभा निवडणूक 2024 साठी पक्षनिहाय उमेदवारांची संख्या; 159 पक्षांतर्गत 4136 उमेदवार रिंगणात)
डॉली चायवालासोबतचा फोटो शेअर करताना भाजप नेते कैलाश विजयवर्गीय यांनी लिहिले आहे की, 'नागपूर पूर्व विधानसभा मतदारसंघात भारतीय जनता पक्षाचे प्रमुख पन्ना आणि पन्ना समितीच्या कार्यकर्त्यांची बैठक घेऊन महाराष्ट्र विधानसभा निवडणुकीबाबत चर्चा केली. उत्साही कार्यकर्त्यांनी भाजपच्या भव्य विजयासाठी मनापासून काम करण्याचा संकल्प केला. यावेळी भाजपचे उमेदवार श्री कृष्णा खोपडे जी यांच्यासह पक्षाचे अनेक सदस्य उपस्थित होते.' (हेही वाचा: Maharashtra Bag-Check Row: निवडणूक आयोग अॅक्शन मोडमध्ये; EC अधिकाऱ्यांकडून नाना पटोले यांचे हेलिकॉप्टर आणि बॅगची तपासणी)
भाजप नेते कैलाश विजयवर्गीय यांनी शेअर केला डॉली चायवालासोबतचा फोटो-
नागपुर पूर्व विधानसभा क्षेत्र में भारतीय जनता पार्टी के पन्ना प्रमुख एवं पन्ना समिति के कार्यकर्ताओं के साथ बैठक कर महाराष्ट्र विधानसभा चुनाव के संबंध में चर्चा की।
जोश से भरे कार्यकर्ताओं ने भाजपा की महाविजय के लिए प्राण प्रण से जुटने का संकल्प लिया। इस अवसर पर भाजपा प्रत्याशी… pic.twitter.com/pwOHDG4Q3M
— Kailash Vijayvargiya (@KailashOnline) November 13, 2024
महाराष्ट्रात 20 नोव्हेंबर रोजी राज्यातील सर्व 288 विधानसभा जागांसाठी एकाच टप्प्यात एकाच वेळी मतदान होणार आहे. त्याच वेळी, मतदानानंतर 3 दिवसांनी 23 नोव्हेंबर रोजी निवडणुकीचे निकाल जाहीर होणार आहेत.
(The above story first appeared on LatestLY on Nov 15, 2024 09:40 AM IST. For more news and updates on politics, world, sports, entertainment and lifestyle, log on to our website latestly.com).
