Devendra Fadnavis, Ajit Pawar (PC - Facebook)

Devendra Fadnavis and Ajit Pawar Birthday: महाराष्ट्राचे उपमुख्यमंत्री देवेंद्र फडणवीस (Devendra Fadnavis) आणि अजित पवार (Ajit Pawar) हे दोघेही 22 जुलै 2023 रोजी आपला वाढदिवस साजरा करत आहेत. मात्र, रायगडमधील दरड कोसळण्याच्या घटनेनंतर दोघांनीही वाढदिवस साजरा न करण्याचा निर्णय घेतला आहे. कधी मित्रपक्ष तर कधी विरोधक असलेल्या अजित पवार आणि देवेंद्र फडणवीस यांचा राजकीय प्रवास अतिशय रंजक राहिला आहे. देवेंद्र फडणवीस यांनी सर्वात कमी वयात महाराष्ट्राचे महापौर ते मुख्यमंत्री आणि नंतर उपमुख्यमंत्री अशा जबाबदाऱ्या निभावल्या आहेत. त्याचबरोबर अजित पवार हे महाराष्ट्राच्या राजकारणातील मोठे खेळाडू असून त्यांनी आतापर्यंत पाच वेळा राज्याचं उपमुख्यमंत्री भूषवलं आहे.

देवेंद्र फडणवीस यांचा जन्म नागपुरात झाला. त्यांचे वडील गंगाधर राव फडणवीस हे महाराष्ट्र विधान परिषदेचे सदस्य होते. त्याचवेळी त्यांची आई विदर्भ गृहनिर्माण पतसंस्थेच्या माजी संचालक होत्या. आणीबाणीच्या काळात त्यांच्या वडिलांना तुरुंगात टाकण्यात आले होते. अशा परिस्थितीत त्यांनी इंदिरा कॉन्व्हेंट शाळेत शिकण्यास नकार दिला. त्यांचे शालेय शिक्षण सरस्वती विद्यालयातून झाले. देवेंद्र फडणवीस यांनी नागपूर शासकीय विधी महाविद्यालयात शिक्षण घेतले. विद्यार्थीदशेतच ते अखिल भारतीय विद्यार्थी परिषदेत (ABVP) सामील झाले होते. (हेही वाचा -Yavatmal Flood: पावसाचा कहर, यवतमाळ येथे 45 लोक पूरात अडकले, उपमुख्यमंत्री देवेंद्र फडणवीस यांनी दिला मदतीचा हात)

1992 मध्ये देवेंद्र फडणवीस वयाच्या 22 व्या वर्षी नगरसेवक झाले. त्यानंतर पाच वर्षांनी म्हणजे 1997 मध्ये ते नागपूर महापालिकेचे सर्वात तरुण महापौर झाले. 1999 मध्ये देवेंद्र फडणवीस यांनी महाराष्ट्र विधानसभेत प्रवेश केला. त्यांनी नागपुरातून निवडणूक लढवली आणि जिंकली. 2013 मध्ये त्यांची महाराष्ट्र भाजपच्या अध्यक्षपदी नियुक्ती झाली. त्यांच्या नेतृत्वाखाली भाजपने 2014 च्या विधानसभा निवडणुकीत विजय मिळवला. ते 31 ऑक्टोबर 2014 रोजी ते महाराष्ट्राचे मुख्यमंत्री झाले. महाराष्ट्राच्या राजकारणात ते शरद पवारांनंतरचे दुसरे सर्वात तरुण मुख्यमंत्री ठरले.

दरम्यान, 2019 च्या महाराष्ट्र विधानसभा निवडणुकीत भाजप पुन्हा एकदा सर्वात मोठा पक्ष ठरला. देवेंद्र फडणवीस यांनी एकदा नाट्यमय पद्धतीने मुख्यमंत्रिपदाची शपथ घेतली, मात्र पाच दिवस उलटूनही त्यांना बहुमत सिद्ध करता न आल्याने राजीनामा द्यावा लागला. 2022 मध्ये ऑपरेशन लोटस अंतर्गत शिवसेनेचे विभाजन झाले. यानंतर एकनाथ शिंदे महाराष्ट्राचे मुख्यमंत्री झाले. त्याचवेळी भाजप हायकमांडच्या आदेशानुसार देवेंद्र फडणवीस यांनी उपमुख्यमंत्रीपदाची शपथ घेतली.

अजित पवारांचा राजकीय प्रवास -

महाराष्ट्राचे उपमुख्यमंत्री अजित पवार यांचा जन्म देवळाई प्रवरा अहमदनगर जिल्ह्यात झाला. अजित पवार हे राष्ट्रवादीचे सुप्रिमो अजित पवार यांचे पुतणे आहेत. वडिलांच्या निधनानंतर अजित पवार यांना महाविद्यालयीन शिक्षण सोडावे लागले. 1982 मध्ये त्यांनी राजकीय प्रवासाला सुरुवात केली. सहकारी साखर कारखाना मंडळाच्या सदस्यपदी त्यांची निवड झाली. 1991 मध्ये त्यांची पुणे जिल्हा सहकारी बँकेच्या अध्यक्षपदी निवड झाली.

अजित पवार 1995, 1999, 2004, 2009 आणि 2014 मध्ये बारामती विधानसभा मतदारसंघातून आमदार होते. 1991 मध्ये ते बारामती लोकसभा मतदारसंघातून खासदारही होते. 2019 ते 2023 पर्यंत त्यांनी तीन वेळा उपमुख्यमंत्रीपदाची शपथ घेतली. अजित पवार यांनी शरद पवार यांची साथ सोडून भाजप-शिवसेनेला पाठिंबा देत राज्याच्या उपमुख्यमंत्री पदाची शपथ घेतली.