COVID-19 Patient Missing in Pune: पुण्यातील जंबो कोविड सेंटरमध्ये उपचारासाठी दाखल झालेली 33 वर्षीय महिला रुग्ण 29 ऑगस्टपासून बेपत्ता; नातेवाईकांकडून प्रशासनाविरोधात आंदोलन
कोरोना विषाणूने संपूर्ण महाराष्ट्रात थैमान घातले असताना पुण्यातील (Pune) जम्बो कोविड सेंटरमधून (COVID-19 Jumbo Hospital, हादरून टाकणारी घटना उघडकीस आली आहे. कोरोनाचा संसर्ग झाल्यामुळे उपचारासाठी जम्बो कोविड सेंटरमध्ये दाखल झालेली 33 वर्षीय महिला बेपत्ता झाल्याचे धक्कादायक माहिती समोर आली आहे.
कोरोना विषाणूने संपूर्ण महाराष्ट्रात थैमान घातले असताना पुण्यातील (Pune) जम्बो कोविड सेंटरमधून (COVID-19 Jumbo Hospital, हादरून टाकणारी घटना उघडकीस आली आहे. कोरोनाचा संसर्ग झाल्यामुळे उपचारासाठी जम्बो कोविड सेंटरमध्ये दाखल झालेली 33 वर्षीय महिला बेपत्ता झाल्याचे धक्कादायक माहिती समोर आली आहे. परंतु, संबंधित रुग्ण या रुग्णालयात दाखल झालाच नाही, अशी माहिती रुग्णालयाच्या अधिकाऱ्यांनी बेपत्ता महिलेच्या नातेवाईकांना सांगितले आहे. त्यानंतर बेपत्ता असलेल्या महिलेच्या नातेवाईकांनी याप्रकरणी पोलिसात तक्रार दाखल केली. तसेच जम्बो कोविड सेंटरसमोर आंदोलन करत प्रशासनाविरोधात आंदोलन केले आहे.
प्रिया गायकवाड असे जम्बो रुग्णालयातून बेपत्ता झालेल्या महिलेचे नाव आहे. प्रिया यांची कोरोना चाचणी पॉझिटिव्ह आल्यानंतर त्यांना पुण्यातील जम्बो कोविड सेंटरमध्ये दाखल केले होते. ससून रूग्णालयातून याठिकाणी दाखल झालेल्या या रूग्ण महिलेवर उपचार सुरू असल्याचे कोविड सेंटरतर्फे सुरूवातीला सांगण्यात आले. मात्र, बरी झालेल्या प्रिया गायकवाड यांना जम्बो कोविड सेंटरमधून घरी घेऊन जाण्यासाठी गेलेल्या आईला 'तुमची मुलगी येथे अॅडमिटच नव्हती', अशी धक्कादायक माहिती देण्यात आली. यामुळे जम्बो कोविंड सेंटरमधून बेपत्ता झालेल्या प्रिया यांच्या आईसह नातेवाईकांनी उपोषणचा मार्ग निवडला आहे. हे देखील वाचा- Coronavirus In Mahrashtra: महाराष्ट्रातील मुंंबई, पुणे सहित सर्व जिल्हे व शहरांंची कोरोनाबाधितांंची आकडेवारी पाहा
एएनआयचे ट्विट-
Maharashtra: Kin of a 33-year-old woman patient, who allegedly went missing from a COVID-19 jumbo hospital, protest in Pune. Her mother says,"My daughter has been missing since Aug 29. Hospital authorities say she was never admitted to the hospital. I've lodged police complaint." pic.twitter.com/t0pRNoGLwD
— ANI (@ANI) September 24, 2020
माझी मुलगी 29 ऑगस्टपासून जम्बो कोविड सेंटरमधून बेपत्ता आहे. रुग्णालयातील अधिकारी सांगतात की तिला कधीही रुग्णालयात दाखल केले नाही. मी पोलिसांत तक्रार दाखल केली आहे, अशी माहिती बेबत्ता मुलीच्या आईने दिली आहे. तसेच प्रिया गायकवाड यांचा घातपात झाल्याचा संशय तिच्या नातेवाईकांकडून वर्तवण्यात येत आहे.
(The above story first appeared on LatestLY on Sep 24, 2020 07:16 PM IST. For more news and updates on politics, world, sports, entertainment and lifestyle, log on to our website latestly.com).
