Rahul Kanal: युवासेना आणि Aaditya Thackeray यांना मोठा धक्का; जवळचा सहकारी राहुल कानाल शिंदे कॅम्पमध्ये सामील होण्याची शक्यता
राहुल कनाल हे आदित्य ठाकरे यांचे निकटवर्तीय मानले जातात. एमव्हीए सरकारच्या काळात, कनाल यांची शिर्डी साई बाबा संस्थानचे विश्वस्त म्हणूनही नियुक्ती करण्यात आली होती. वांद्रे पश्चिमेतून ते विधानसभेची तयारी करत होते.
Rahul Kanal: शिवसेना यूबीटी कार्यकर्ता आणि आदित्य ठाकरे (Aaditya Thackeray) यांना मोठा धक्का देत राहुल कनाल (Rahul Kanal) यांनी शिंदे गटात (Shinde Camp) सामील होण्याची योजना आखली आहे. कनाल हे युवासेना कोअर कमिटीचे सदस्य आणि दीर्घकाळापासून ठाकरे वंशजांचे निकटवर्तीय आहेत. भाजपचे आमदार नितेश राणे (Nitesh Rane) यांनी शुक्रवारी सकाळी ट्विट करून कनाल यांच्या बाहेर पडण्याचे संकेत दिले. ठाकरेंची खिल्ली उडवताना राणेंनी आदित्य आणि राहुल एकमेकांना मिठी मारल्याचे चित्र पोस्ट केले आणि त्याच पोस्टमध्ये 'हमारी अधुरी कहानी' चित्रपटाचे पोस्टरही जोडले. त्यांनी या पोस्टला कॅप्शनही दिले, '1 जुलै रोजी रिलीज होत आहे. चुकवू नका!'
वृत्तानुसार, राहुल कनालने महिनाभरापूर्वी युवासेना कार्यकारिणीचा व्हॉट्सअॅप ग्रुप सोडला होता. त्यांनी युवासेना कोअर कमिटीचा व्हॉट्सअॅप ग्रुपही सोडला. रिपोर्ट्सनुसार, राहुल गेल्या काही दिवसांपासून युवा सेनेवर नाराज होते. (हेही वाचा - Maharashtra Cabinet Expansion: मंत्रिमंडळ विस्ताराचे सूत्र निश्चित? एकनाथ शिंदे यांच्या मोदी सरकारमध्ये दोन मंत्रिपदे?)
😅😅 releasing on 1 st July ..
Don’t MISS ! pic.twitter.com/4sRthwTSsR
— nitesh rane (@NiteshNRane) June 30, 2023
झी 24 तासमधील एका अहवालात म्हटले आहे की, अंतर्गत मतभेदांना कंटाळून राहुल कनाल यांनी आदित्य ठाकरेंची साथ सोडली आहे. अमेय घोले, सिद्धेश कदम आणि समाधान सरवणकर यांनीही नुकतीच नाराजी व्यक्त करत युवासेना सोडली. राहुल कनाल हे आदित्य ठाकरे यांचे निकटवर्तीय मानले जातात. एमव्हीए सरकारच्या काळात, कनाल यांची शिर्डी साई बाबा संस्थानचे विश्वस्त म्हणूनही नियुक्ती करण्यात आली होती. वांद्रे पश्चिमेतून ते विधानसभेची तयारी करत होते.
(The above story first appeared on LatestLY on Jun 30, 2023 12:42 PM IST. For more news and updates on politics, world, sports, entertainment and lifestyle, log on to our website latestly.com).
