Crime: दारूसाठी पैसे न दिल्याने 20 वर्षीय तरुणाने केली आजोबांची हत्या

उत्तर प्रदेशातील (Uttar Pradesh) बदायूं जिल्ह्यातील डमरी गावात एका वृद्ध जोडप्याची त्यांच्या नातवाने हत्या केली (Murder) आहे. डमरी गावात एका घरातील दोन वेगवेगळ्या खोल्यांमधून पोलिसांना वृद्ध जोडप्याचे विकृत मृतदेह सापडले आहेत. पोलिसांनी सांगितले की, फरार नातवाने दारूच्या नशेत झालेल्या वादानंतर वृद्ध जोडप्याची हत्या केली. प्रेम शंकर आणि भवन देवी अशी मृतांची नावे आहेत.  पोलिसांनी सांगितले की, आरोपी हिमेश आजी-आजोबांसोबत लग्न समारंभात सहभागी होण्यासाठी येथे आला होता. ते दिल्लीत राहत होते. कुटुंबीयांनी हिमेशवर आजोबांची हत्या केल्याचा आरोप केला आहे. आम्ही तक्रार दाखल केली आहे.

मृतदेह शवविच्छेदनासाठी जवळच्या सरकारी रुग्णालयात पाठवण्यात आले आहेत, असे अधिकाऱ्याने सांगितले. याप्रकरणी खुनाचा एफआयआर दाखल करण्यात आला आहे. या अधिकाऱ्याने सांगितले की, ही हत्या 22 जून रोजी झाली होती, मात्र रविवारी पोलिसांना कळवण्यात आले. हेही वाचा Pune: आईसोबत आर्थिक कारणावरून झालेल्या वादातून 18 वर्षीय तरुणीची हत्या

आरोपी हिमेशला दारूचे व्यसन आहे. तो अनेकदा त्याच्या कुटुंबीयांवर अत्याचार करत असे. दारू खरेदी करण्यासाठी त्याने पैशांची मागणी केली आणि त्यासाठी कुटुंबीयांनी त्याला शिवीगाळ केली. त्यानंतर आरोपीने आजोबांची हत्या करून त्यांचे मृतदेह घरातील दोन वेगवेगळ्या खोल्यांमध्ये लपवून ठेवल्याचे पोलिसांनी सांगितले.

(The above story first appeared on LatestLY on Jun 27, 2022 11:22 AM IST. For more news and updates on politics, world, sports, entertainment and lifestyle, log on to our website latestly.com).