Sanjay Raut On Rebel MLA: गुवाहाटीतील 40 आमदार जिवंत प्रेत असून त्यांचे आत्मा मेले आहेत, ते परत आल्यावर त्यांचे मृतदेह पोस्टमार्टमसाठी थेट विधानसभेत पाठवले जातील; संजय राऊत यांची जहरी टीका

Sanjay Raut On Rebel MLA: गुवाहाटीतील (Guwahati) 40 आमदार जिवंत प्रेत आहेत. त्यांचे आत्मा मेले आहेत. ते परत आल्यावर त्यांचे मृतदेह पोस्टमार्टमसाठी थेट विधानसभेत पाठवले जातील. इथं पेटलेल्या आगीत काय होऊ शकतं हे त्यांना माहीत आहे, अशी जहरी टीका शिवसेना नेते संजय राऊत (Sanjay Raut) यांनी केली आहे. एकनाथ शिंदे यांच्या नेतृत्वाखाली शिवसेनेचा बंडखोर गट आसाममधील गुवाहाटी शहरात तळ ठोकून आहे.

बंडखोर गटाच्या विरोधात राऊत सातत्याने आक्रमक वक्तव्ये करत आहेत. यापूर्वी संजय राऊत म्हणाले, 'आम्ही संयम राखला आहे अन्यथा हजारो शिवसैनिक आमच्या एकाच इशाऱ्याची वाट पाहत आहेत. उद्धव ठाकरेंच्या नेतृत्वाखालील शिवसेनेवर जनता विश्वास ठेवेल. (हेही वाचा - Maharashtra Political Crisis: 'बंडखोर 16 आमदारांचे सदस्यत्व लवकरच होणार रद्द, कायदेशीर लढाई सुरू, अरविंद सावंत यांची माहिती)

40 MLAs in Guwahati are living corpses, their souls are dead. Their bodies will be sent directly to the Assembly for post-mortem when they come back. They know what can happen in the fire that has been lit here: Shiv Sena leader Sanjay Raut in Mumbai pic.twitter.com/xnsBjaBmwB

— ANI (@ANI) June 26, 2022

शिवसेनेने सुरू केली कायदेशीर कारवाई -

याआधी शुक्रवारी शिवसेनेचे खासदार अरविंद सावंत म्हणाले, महाराष्ट्रातील राजकीय परिस्थिती हा केवळ राजकीय लढा नाही, तर कायदेशीर लढाईही सुरू झाली आहे. पक्षाचे अनेक आमदार आसाममध्ये राहत आहेत, त्यांच्याविरोधात आमच्याकडे कायदेशीर कारवाई करण्यात आली आहे. सुमारे 16 आमदारांना नोटिसा पाठवण्यात आल्या आहेत.

दरम्यान, महाराष्ट्राचे राज्यपाल भगतसिंग कोश्यारी यांनी मुंबई पोलीस आयुक्त आणि महाराष्ट्राचे डीजीपी यांना पत्र लिहून (शिंदे कॅम्पमधील) सर्व आमदारांना सुरक्षा द्यावी, अशी विनंती केली आहे.

(The above story first appeared on LatestLY on Jun 26, 2022 07:14 PM IST. For more news and updates on politics, world, sports, entertainment and lifestyle, log on to our website latestly.com).