Crime: भिवंडीमध्ये चेन स्नॅचिंगच्या गुन्ह्यातील 30 वर्षीय आरोपीचा पोलिसांनी पाठलाग करत असताना मृत्यू

भिवंडी आणि ठाणे शहराच्या विविध पोलीस ठाण्यात त्याच्यावर दाखल असलेल्या चेन स्नॅचिंगच्या (Chain snatching) अनेक गुन्ह्यांतील 30 वर्षीय आरोपीचा शांतीनगर पोलिसांनी (Shantinagar Police) पाठलाग करत असताना मृत्यू झाला. पोलीस त्याला पकडण्यासाठी त्याच्या घरी गेले होते. 15 मिनिटांत आरोपी खाली कोसळला आणि रुग्णालयात दाखल करताना त्याला मृत घोषित करण्यात आले. शांतीनगर पोलिसांनी दिलेल्या माहितीनुसार, सादिक जाफरी हा चेन स्नॅचिंगसाठी हवा असलेला आरोपी भिवंडीतील (Bhiwandi) पिराणी पाडा येथील घराजवळ दिसल्याची माहिती मिळाली. शांतीनगर पोलिसांच्या पथकाने तात्काळ त्याला पकडण्यासाठी सापळा रचला. पण आरोपीला इशारा मिळाला आणि त्याने पळून जाण्याचा प्रयत्न केला.

काही वेळ अधिकारी त्याचा पाठलाग करण्याचा प्रयत्न करत होते. पण नंतर जाफरीच्या भावाने त्याला घरात घुसवून पळून जाण्यास मदत केली. त्यानंतर 15 मिनिटांनी तो घरात बेशुद्ध पडल्याने त्याचा मृत्यू झाला. त्याच्या मृत्यूसाठी कुटुंबीय आणि रहिवाशांनी पोलिसांना जबाबदार धरले. वरिष्ठ अधिकाऱ्यांनी परिस्थिती नियंत्रणात आणण्यापूर्वी परिसरात काही काळ तणाव निर्माण झाला होता. हेही वाचा  Gold Smuggling: पुणे आंतरराष्ट्रीय विमानतळावर सोन्याची तस्करी करणाऱ्याला सीमाशुल्क विभागाकडून अटक

पोलिस उपायुक्त योगेश चव्हाण म्हणाले, आरोपी त्याच्या भावासोबत होता, जेव्हा तो बेशुद्ध पडला तेव्हा त्याला रुग्णालयात नेल्यानंतर त्याला मृत घोषित करण्यात आले.  आम्ही संपूर्ण प्रकरणाचा तपास करत असून त्यांच्या मृत्यूचे नेमके कारण शोधण्यासाठी आम्ही त्यांचा मृतदेह जेजे रुग्णालयात पाठवला आहे. परिसरातील परिस्थिती नियंत्रणात आहे.

(The above story first appeared on LatestLY on Feb 11, 2022 07:32 PM IST. For more news and updates on politics, world, sports, entertainment and lifestyle, log on to our website latestly.com).