Fraud: मित्र गेम खेळण्यासाठी मोबाईल घ्यायचा, सेवानिवृत्त बेस्ट कर्मचाऱ्याच्या बॅंकेतून 22.35 लाख काढले
त्याने पैसे काढण्यासाठी त्याच्या Gpay, डिजिटल वॉलेट प्लॅटफॉर्मचा वापर केला होता आणि ते पैसे उकळले होते.
एक 68 वर्षीय सेवानिवृत्त बेस्ट कर्मचारी (Retired BEST Staff) गेल्या आठवड्यात त्याच्या बँकेतून पैसे काढण्यासाठी गेला तेव्हा त्याला मोठा धक्का बसला. त्याला सांगण्यात आले की त्याच्या खात्यातून 20 लाख रुपये निवृत्तीच्या रकमेसह 22.35 लाख रुपये काढण्यात आले आहेत. तेव्हा त्याच्या लक्षात आले की त्याच्या मित्राने, जो गेम खेळण्यासाठी त्याचा मोबाइल फोन उधार घेत होता, त्याने पैसे काढण्यासाठी त्याच्या Gpay, डिजिटल वॉलेट प्लॅटफॉर्मचा वापर केला होता आणि ते पैसे उकळले होते. झोन 12 चे पोलिस उपायुक्त सोमनाथ घार्गे म्हणाले, आम्ही आरोपीला अटक (Arrested) केली असून, चौकशी सुरू आहे.
फिर्यादीने पोलिसांना सांगितले की, तो दररोज दिंडोशी बस डेपोजवळ पार्क केलेल्या वाहनांची तपासणी करण्यासाठी जातो आणि जवळच्या स्टॉलवर चहा घेतो. तेथे तो शुभम तिवारी आणि अमर गुप्ता या दोन आरोपींना भेटला. शिवमने अनेक वेळा गेम खेळण्यासाठी तक्रारदाराचा फोन घेतला, असे पोलिसांनी सांगितले. हेही वाचा Nagpur Crime: कायद्याचा रक्षक बनला भक्षक! पोलिस उपनिरक्षकाकडून अल्पवयीन मुलीवर अत्याचार
16 जुलै रोजी तक्रारदार पैसे काढण्यासाठी बँकेत गेले असता त्यांच्या खात्यात फक्त 20,509 रुपये शिल्लक असल्याचे समजले. पोलिसांनी सांगितले की, तिवारी रेफ्रिजरेटर दुरुस्त करतो आणि गुप्ता हा फूड डिलिव्हरी बॉय आहे. दोघांनाही अंमली पदार्थांचे व्यसन असून त्यांनी पैशाची उधळपट्टी केल्याचे पोलिसांनी सांगितले.
(The above story first appeared on LatestLY on Jul 19, 2022 10:04 AM IST. For more news and updates on politics, world, sports, entertainment and lifestyle, log on to our website latestly.com).
