Water Cut in Mumbai City, Suburbs, Thane and Bhiwandi: 2 दिवस मुंबई शहर, उपनगरासह ठाणे आणि भिवंडीमध्ये 15 टक्के कपात; पिसे विद्युत उपकेंद्रातील मुख्य ट्रान्सफॉर्मरमध्ये बिघाड
पिसे विद्युत उपकेंद्रातील मुख्य ट्रान्सफॉर्मर क्रमांक 1 च्या बी फेज करंट ट्रान्सफॉर्मरमध्ये शुक्रवारी मध्यरात्रीच्या सुमारास अचानक बिघाड झाला. परिणामी दुरुस्तीचे काम 2 दिवस सुरू राहणार आहे. त्यामुळे पाणीपुरवठा कमी दाबाणे सुरू राहील.
Water Cut in Mumbai City, Suburbs, Thane and Bhiwandi: मुंबई आणि परिसरात राहणाऱ्या नागरिकांसाठी महत्त्वाची बातमी आहे. पिसे विद्युत उपकेंद्रातील मुख्य ट्रान्सफॉर्मर क्रमांक 1 च्या बी फेज करंट ट्रान्सफॉर्मरमध्ये शुक्रवारी मध्यरात्रीच्या सुमारास अचानक बिघाड झाला. त्यामुळे केंद्रात एकूण कार्यरत 20 पंपांपैकी 6 उदंचन पंप बंद झाले आहेत. सहा पंपांच्या दुरुस्तीचे काम हाती घेण्यात आले आहे. 14 व 15 डिसेंबर रोजी हे काम सुरू राहणार आहे. त्यामुळे मुंबई शहर, उपनगरांसह ठाणे आणि भिवंडी भागात पाणीपुरवठा 15 टक्के कमी करण्यात(Water Cut) आला आहे.
शुक्रवार, 13 डिसेंबर रोजी मध्यरात्री 1 च्या सुमारास पिसे विद्युत उपकेंद्रातील मुख्य ट्रान्सफॉर्मर क्रमांक 1 च्या बी फेड करंट ट्रान्सफॉर्मरमध्ये अचानक बिघाड झाला. पिसे उदंचन केंद्रात एकूण 20 उदंचन पंप आहेत. त्यापैकी सहा उदंचन पंप बंद पडले आहेत. हे वृत्त महापालिकेने त्यांच्या एक्स अकाऊंटवर शेअर केले आहे. बंद पडलेल्या सहा उदंचन पंपांच्या दुरुस्तीचे काम युद्धपातळीवर हाती घेतले आहे.
🛠️पिसे विद्युत उपकेंद्रातील मुख्य ट्रान्सफॉर्मर क्रमांक १ च्या बी फेज करंट ट्रान्सफॉर्मरमध्ये शनिवार, दिनांक १४ डिसेंबर २०२४ रोजी मध्यरात्री अचानक बिघाड झाला आहे. त्यामुळे पिसे उदंचन केंद्र येथील एकूण कार्यरत २० पंपांपैकी ६ उदंचन पंप बंद झाले आहेत.
🛠️पंप दुरुस्तीचे काम युद्ध…
— माझी Mumbai, आपली BMC (@mybmc) December 14, 2024
खबरदारीचा उपाय म्हणून 14 व 15 डिसेंबर या दोन दिवसांच्या कालावधीत नागरिकांनी पाणी काटकसरीने व जपून वापरावे, असे आवाहन मुंबई महानगरपालिका प्रशासनाने केले आहे.
(The above story first appeared on LatestLY on Dec 14, 2024 11:15 AM IST. For more news and updates on politics, world, sports, entertainment and lifestyle, log on to our website latestly.com).
