QuickLY
Socially
Mahavir Jayanti 2024 Wishes: भगवान महावीर हे जैन धर्माचे २४ वे तीर्थंकर मानले जातात, त्यांची जयंती (महावीर जयंती) या वर्षी रविवारी, 21 एप्रिल 2024 रोजी साजरी होत आहे. जैन धर्मातील लोक भगवान महावीर यांची जयंती मोठ्या उत्साहात साजरी करतात, कारण हा जैन धर्माचा सर्वात मोठा सण मानला जातो. हिंदू दिनदर्शिकेनुसार भगवान महावीरांचा जन्म चैत्र महिन्यातील शुक्ल पक्षातील त्रयोदशी तिथीला झाला होता. त्यांच्या जन्म वर्षावर अनेक विवाद आहेत. श्वेताबर जैनांच्या मते, महावीरांचा जन्म इ.स.पू. ५९९ मध्ये झाला, तर दिगंबरा जैन इ.स.पूर्व ६१५ हे त्यांचे जन्मवर्ष मानतात. वैशाली गणराज्यातील क्षत्रिय कुंडलपूर येथील राजा सिद्धार्थाच्या घरी त्यांची पत्नी राणी त्रिशाला हिच्या पोटी भगवान महावीरांचा जन्म झाला. त्यांच्या जन्मकाळात हिंसाचार, पशुबळी, जातिभेद या गोष्टी शिगेला पोहोचल्या होत्या. महावीर जयंतीच्या दिवशी जैन धर्माचे अनुयायी प्रभातफेरी काढतात आणि त्यांची जयंती मोठ्या उत्साहात पालखी मिरवणुकीसह भव्य मिरवणूक काढून साजरी करतात. याशिवाय भगवान महावीरांना चांदीचा आणि सुवर्ण कलशाने अभिषेक केला जातो आणि शुभेच्छा दिल्या जातात. अशा परिस्थितीत, तुम्ही या अप्रतिम मराठी शुभेच्छा, कोट्स, व्हॉट्सॲप संदेश, GIF शुभेच्छा पाठवून तुमच्या प्रियजनांना महावीर जयंतीच्या शुभेच्छा देऊ शकता.
पाहा खास शुभेच्छा संदेश:
भगवान महावीरांच्या आई-वडिलांनी जन्मानंतर त्यांचे नाव वर्धमान ठेवले. राजवैभव आणि ऐहिक आकर्षणांचा त्याग करून वयाच्या ३० व्या वर्षी त्यांनी संन्यास घेतला. भगवान महावीरांनी जैन धर्माची मूलभूत तत्त्वे सांगितली होती. आपल्या हयातीत, त्यांनी अहिंसा आणि आध्यात्मिक स्वातंत्र्याचा उपदेश केला आणि मानवांना सर्व प्राणिमात्रांचा आदर आणि सन्मान करण्यास शिकवले. यासोबतच त्यांनी आपल्या शिकवणी आणि उपदेशांद्वारे मानवांना योग्य मार्ग दाखवला. असे मानले जाते की त्यांना वयाच्या ७२ व्या वर्षी निर्वाण मिळाले.
