QuickLY
Socially
Dussehra 2024 Rangoli Design 2024: दसरा म्हणजेच विजयादशमी 12 ऑक्टोबर 2024 रोजी साजरा केला जात आहे, तर हिंदू कॅलेंडरनुसार, दसरा हा सण दरवर्षी अश्विन महिन्यातील शुक्ल पक्षातील दशमी तिथीला साजरा केला जातो. या सणाशी संबंधित पौराणिक कथांनुसार, एकीकडे भगवान रामाने दसऱ्याच्या दिवशी लंकापती रावणाचा वध केला होता, तर दुसरीकडे त्याच दिवशी माँ दुर्गेने महिषासुराचा वध केला होता. दसऱ्याला जिथे रावण, मेघनाद आणि कुंभकर्णाच्या पुतळ्यांचे दहन केले जाते, त्याच दिवशी माँ दुर्गेच्या मूर्तींचेही विसर्जन केले जाते, कारण नऊ दिवसांच्या भक्तांच्या मनोकामना पूर्ण करून माँ दुर्गा परत कैलासात जातात, अशी धारणा आहे. दसरा म्हणजेच विजयादशमी हा सण वाईटावर चांगल्याचा, धर्माचा अधर्मावर आणि सत्याचा असत्यावर विजयाचे प्रतीक म्हणून साजरा केला जातो. हा सण अहंकारी रावणाच्या पतनाचे प्रतीक आहे, म्हणून लंकापतीच्या पुतळ्यांचे दहन केले जाते, दरम्यान, या शुभ प्रसंगी दारासमोर सुंदर रांगोळी काढायची परंपरा आहे. दरम्यान, या शुभ प्रसंगी काढता येतील असा हटके रांगोळी डिझाईन आम्ही घेऊन आलो आहोत, व्हिडीओ पाहून त्तुम्ही दारासमोर आकर्षक रांगोळी काढू शकता.
दसरानिमित्त काढता येतील अशा हटके रांगोळी डिझाईन व्हिडीओ, येथे पाहा
विजयादशमीचा सण वासना, क्रोध, आसक्ती, लोभ, अभिमान, अहंकार आणि हिंसा या वाईट सवयींपासून दूर राहण्याची प्रेरणा देतो हे विशेष. विजयादशमी म्हणजेच दसऱ्याच्या दिवशी सूर्योदयापूर्वी उठून स्नान करून प्रभू राम, माता सीता आणि हनुमानजींची पूजा करावी. या दिवशी शेणापासून 10 गोळे बनवून त्यावर जवाच्या बिया लावल्या जातात, त्यानंतर प्रभू रामाची पूजा केल्यानंतर हे गोळे जाळले जातात.
