Wipro Fires Employees: Wipro ने Moonlighting च्या पार्श्वभूमीवर 300 कर्मचाऱ्यांना कामावरून टाकले काढून; कंपनीतील नोकरीसोबतच करत होते इतर काम
Wipro, Rishad Premji (PC - Wikimedia Commons)

Wipro Fires Employees: विप्रो (Wipro) ने आपल्या 300 कर्मचाऱ्यांना काढून टाकले आहे. विप्रोचे अध्यक्ष ऋषद प्रेमजी (Rishad Premji) यांनी बुधवारी सांगितले की, कंपनीला प्रतिस्पर्धी संस्थेसोबत काम करताना 300 कर्मचारी सापडले आहेत. यानंतर त्याच्यावर कारवाई करत त्याला कंपनीतून बडतर्फ करण्यात आले आहे. ते म्हणाले की 'मूनलाइटिंग' बद्दलच्या त्यांच्या टिप्पण्यांवर ते ठाम आहेत आणि हे कंपनीच्या निष्ठेचे पूर्णपणे उल्लंघन आहे. जेव्हा एखादा कर्मचारी त्याच्या नियमित कामाव्यतिरिक्त इतर कोणतेही काम करतो तेव्हा त्याला तांत्रिकदृष्ट्या 'मूनलाइटिंग' म्हणतात.

ऑल इंडिया मॅनेजमेंट असोसिएशन (AIMA) च्या राष्ट्रीय परिषदेत प्रेमजी म्हणाले, “विप्रोसह प्रतिस्पर्धी कंपनीसाठी काम करणाऱ्या लोकांना कामावरून काढून टाकण्यात आले आहे. आम्ही गेल्या काही महिन्यांत असे 300 कर्मचारी शोधून काढले आहेत जे प्रत्यक्षात हे करत आहेत. या दरम्यान, कंपनीशी निष्ठेचे उल्लंघन केल्याबद्दल त्यांना काढून टाकण्यात आले आहे." (हेही वाचा - PM Care Fund: रतन टाटा यांची पीएम केअर फंडासाठी विश्वस्त म्हणून नियुक्ती)

प्रेमजी म्हणाले की 'मूनलाइटिंग' म्हणजे एका कंपनीत काम करत असताना तिच्या प्रतिस्पर्धी कंपनीशी गुप्त मार्गाने काम करणे. विप्रोच्या चेअरमनने 'मूनलाइटिंग'वर नुकत्याच केलेल्या वक्तव्यानंतर इंडस्ट्रीत नवा वाद सुरू झाला आहे. या मुद्द्यावर प्रेमजी यांनी ट्विटरवर म्हटले आहे की, "माहिती तंत्रज्ञान कंपन्यांमध्ये मूनलाइटिंग करणार्‍या कर्मचार्‍यांबद्दल अनेक गोष्टी समोर येत आहेत. ही सरळ आणि साधी फसवणूक आहे.''

जेव्हा एखादा कर्मचारी त्याच्या नियमित नोकरीच्या व्यतिरिक्त दुसर्‍या कंपनीसाठी किंवा प्रकल्पासाठी काम करतो तेव्हा त्याला मूनलाइटिंग म्हणतात. साधारणपणे लोक कंपनीला न कळवता दुसऱ्या प्रोजेक्टवर काम करतात. आयटी उद्योगातील दिग्गज आणि इन्फोसिसचे माजी संचालक मोहनदास पै यांनी अलीकडेच सांगितले होते की, तंत्रज्ञान उद्योगातील सुरुवातीच्या काळात कमी पगार हे मूनलाइटिंगचे एक कारण आहे. याशिवाय माहिती तंत्रज्ञान (IT) कंपनी इन्फोसिसने कंपनीत काम करणाऱ्या कर्मचाऱ्यांवर इतर नोकऱ्यांसह शिस्तभंगाची कारवाई करण्याचा इशारा दिला आहे.