QuickLY
Socially
Death/ Murder Representative Image Pixabay
UP Shocker: सुलतानपूर जिल्ह्यातून महिनाभरापूर्वी बेपत्ता झालेल्या एका व्यक्तीचा शिरच्छेद केलेला मृतदेह विहिरीतून सापडला, मंगळवारी पोलिसांनी ही माहिती दिली. कोतवाली देहाट पोलिस स्टेशनचे एसएचओ सत्येंद्र कुमार सिंह यांनी सांगितले की, आधी शिरच्छेद केलेल्या मृतदेहाला पोलिस दलाच्या मदतीने बाहेर काढण्यात आले आणि नंतर कापलेले शीर बाहेर काढले. पोलिसांनी सांगितले की, पीडित विनोद मिश्रा (40) हा कोतवाली देहाट पोलीस स्टेशन हद्दीतील आगरेसर गावचा रहिवासी होता. 29 सप्टेंबर रोजी रात्री 8 च्या सुमारास ते बाथरूमला जाण्यासाठी बाहेर पडले होते आणि तेव्हापासून ते बेपत्ता होते. पोलिसांनी सांगितले की, त्यांच्या कुटुंबीयांच्या तक्रारीच्या आधारे पोलिसांनी हरवल्याची नोंद केली आहे. पोलिसांनी दिलेल्या माहितीनुसार, मंगळवारी त्याचा मृतदेह शेजारच्या सिवान गावात एका विहिरीत सापडला. हे देखील वाचा: Guidelines For Use Of Firecrackers: मुंबईकरांसाठी महत्त्वाची बातमी! रात्री 10 वाजेपर्यंत फटाके फोडता येणार; फटाक्यांच्या वापरासाठी नवीन मार्गदर्शक तत्त्वे जारी
सकाळी काही शेतकरी विहिरीजवळ गेले असता त्यांना उग्र वास येत असताना त्यांनी आत जाऊन पाहिले असता विहिरीत मृतदेह असल्याचे दिसले. यानंतर त्यांनी पोलिसांना माहिती दिली. एसएचओ सिंह यांनी सांगितले की, मृतदेहाची ओळख पटल्यानंतर आवश्यक कायदेशीर कारवाई सुरू करण्यात आली आहे. दरम्यान, आपल्या मुलाचा खून करून मृतदेह विहिरीत फेकल्याचा आरोप मृताच्या वडिलांनी केला आहे.
