Har Ghar Tiranga: हर घर तिरंगा मोहीमेत पंतप्रधान मोदींच्या आई हिराबेन मोदींनीही घेतला सहभाग, निवासस्थानी तिरंगा फडकवत लहान मुलांना केले राष्ट्रध्वजाचे वाटप
पंतप्रधान नरेंद्र मोदी (PM Narendra Modi) यांनी आझादीच्या अमृत महोत्सवांतर्गत आजपासून हर घर तिरंगा (Har Ghar Tiranga) मोहीम सुरू केली आहे. ही मोहीम 15 ऑगस्टपर्यंत सुरू राहणार आहे.
पंतप्रधान नरेंद्र मोदी (PM Narendra Modi) यांनी आझादीच्या अमृत महोत्सवांतर्गत आजपासून हर घर तिरंगा (Har Ghar Tiranga) मोहीम सुरू केली आहे. ही मोहीम 15 ऑगस्टपर्यंत सुरू राहणार आहे. यावेळी पंतप्रधान मोदींच्या आई हिराबेन मोदी (Hiraben Modi) यांनी त्यांच्या गांधीनगर येथील निवासस्थानी तिरंगा फडकवला. हिराबेन मोदी यांनी या वर्षी जूनमध्ये त्यांचा 100 वा वाढदिवस साजरा केला. त्यानंतर पंतप्रधान मोदीही गांधीनगरला गेले. देशाच्या स्वातंत्र्याचा 75 वा वर्धापन दिन साजरा करण्यासाठी सर्व देशवासीयांनी घरोघरी तिरंगा फडकवावा, असे आवाहन केंद्र सरकारने केले आहे.
हिराबेन मोदींनी स्वतः शनिवारी त्यांच्या निवासस्थानी तिरंगा फडकावला. लहान मुलांनाही राष्ट्रध्वजाचे वाटप केले. हिराबेन मोदी पंतप्रधानांचे धाकटे बंधू पंकज मोदी यांच्यासोबत गांधीनगरमध्ये राहतात. 'हर घर तिरंगा' मोहिमेचा एक भाग म्हणून केंद्रीय गृहमंत्री अमित शहा यांनी त्यांच्या पत्नीसह शनिवारी सकाळी दिल्लीतील त्यांच्या निवासस्थानी तिरंगा फडकवला. हेही वाचा Bhagat Singh Koshyari Statement: मला निवृत्त व्हायचे आहे, राज्यपाल भगतसिंग कोश्यारींचे नवीन वक्तव्य चर्चेत
यावेळी अमित शहा म्हणाले, तिरंगा हा आमचा अभिमान आहे. तो सर्व भारतीयांना एकत्र आणतो आणि प्रेरणा देतो. पंतप्रधान नरेंद्र मोदी यांच्या प्रत्येक घराघरात तिरंगा फडकवण्याच्या आवाहनावर आज नवी दिल्लीतील त्यांच्या निवासस्थानी आणि मातृभूमीसाठी तिरंगा फडकवला. आपले सर्वस्व पणाला लावणाऱ्या आपल्या शूर वीरांना विनम्र अभिवादन.
Gandhinagar, Gujarat | Heeraben Modi, mother of Prime Minister Narendra Modi distributes national flag to children and hoists the tricolour as the #HarGharTiranga campaign begins today. pic.twitter.com/oFlFSCMCc6
— ANI (@ANI) August 13, 2022
दुसरीकडे, गुजरातचे मुख्यमंत्री भूपेंद्र पटेल यांनी शनिवारी राज्याच्या राजधानीतील बाल विद्यापीठात 100 फूट उंच तिरंगा फडकवून स्वातंत्र्याच्या 75 व्या वर्धापन दिनानिमित्त राज्यात तीन दिवसीय हर घर तिरंगा मोहिमेचा शुभारंभ केला. या मोहिमेत मंत्र्यांशिवाय बड्या व्यक्तींनीही सहभाग घेतला. हर घर तिरंगा मोहिमेचा एक भाग म्हणून अभिनेता आमिर खानने मुंबईतील त्याच्या घरी तिरंगा फडकवला. तिरंगा मोहिमेला चळवळीत रुपांतरित करण्यासाठी पीएम मोदींनी 13 ते 15 ऑगस्ट दरम्यान घरोघरी तिरंगा फडकवण्याचे आवाहन केले आहे.
(The above story first appeared on LatestLY on Aug 13, 2022 08:35 PM IST. For more news and updates on politics, world, sports, entertainment and lifestyle, log on to our website latestly.com).
