Lucknow Hospital: डॉक्टरांच्या निष्काळजीपणामुळे रुग्णाचा मृत्यू, पीडित कुटुंबाला सुरक्षा रक्षकांकडून बेदम मारहाण; लखनऊमधील घटना (Watch Video)
लखनऊमध्ये एका रुग्णालयात रुग्णाच्या कुटुंबीयांना सुरक्षा रक्षकांकडून मारहाण झाल्याची घटना घडली आहे. रुग्णाच्या कुटुंबातील सदस्यांना सुरक्षा रक्षकांनी बेदम मारहाण केली.
Lucknow Hospital: लखनऊ येथील किंग जॉर्ज मेडिकल युनिव्हर्सिटीच्या ट्रॉमा सेंटरमध्ये (KGMU Hospital) सुरक्षा कर्मचाऱ्यांचा अत्याचार दिवसेंदिवस वाढत आहे. अशीच एक घटना नुकतीच समोर आली. ज्यामध्ये रुग्णाच्या कुटुंबातील सदस्यांना सुरक्षा रक्षकांनी बेदम मारहाण केली. शुक्रवारी मध्यरात्री रुग्णाचे कुटुंब उपचारासाठी ट्रॉमा सेंटरमध्ये पोहोचले. तेव्हा सुरक्षा रक्षक आणि कर्मचाऱ्यांनी रुग्णाच्या कुटुंबाशी गैरवर्तन केले. त्यांना मारहाण केल्याचे सांगण्यात येत आहे.
या संपूर्ण घटनेचा व्हिडिओ सोशल मीडियावर व्हायरल होत आहे. सुरक्षा रक्षकांनी कुटुंबातील सदस्यांना मारहाण करण्याची ही पहिलीच वेळ नाही. यापूर्वीही रुग्णाच्या कुटुंबातील सदस्यांना मारहाण करण्याच्या घटना समोर आल्या आहेत. त्याचे व्हिडिओ सोशल मीडियावर व्हायरल झाले आहेत. हा व्हिडिओ सोशल मीडिया 'X' वर @priyarajputlive या हँडलवरून शेअर करण्यात आला आहे.
रुग्णाच्या कुटुंबावर हल्ला
लखनऊ के ट्रामा सेंटर में मरीज के तीमारदारों ने सिक्योरिटी गार्ड के साथ की मारपीट pic.twitter.com/djskQJYtj4
— Priya singh (@priyarajputlive) February 22, 2025
'उपचार उशीर झाल्यामुळे रुग्णाचा मृत्यू झाला'- कुटुंबीयांचा आरोप
रस्ता अपघातानंतर ते रुग्णाचे मेहुणे आशिष मोरया यांना ट्रॉमा सेंटरमध्ये घेऊन गेले होते. मात्र, बिकट परिस्थितीत असूनही त्यांना सुमारे एक तास उभे रहावे लागले. कोणीही त्यांच्यावर उपचार केले नाहीत. तासभर वाट पाहिल्यानंतर, जेव्हा रुग्णाची प्रकृती आणखी बिघडली तेव्हाही डॉक्टर आले नाहीत. उपचारांना उशीर झाल्यामुळे रुग्णाचा मृत्यू झाला. यानंतर, जेव्हा कुटुंब मृतदेह घेऊन ट्रॉमा सेंटरमधून बाहेर पडत होते. तेव्हा त्यांचा सुरक्षा कर्मचाऱ्यांसोबत वाद झाला. त्यानंतर वादाचे रूपांतर हाणामारीत झाले.
(The above story first appeared on LatestLY on Feb 22, 2025 02:43 PM IST. For more news and updates on politics, world, sports, entertainment and lifestyle, log on to our website latestly.com).
