Operation Blue Star: ऑपरेशन ब्लू स्टारला 40 वर्षे पूर्ण; सुवर्ण मंदिरात खलिस्तान समर्थकांकडून तलवारी उंचावत, घोषणाबाजी (Watch Video)
ऑपरेशन ब्लू स्टारला आज 40 वर्ष पूर्ण झाली, त्यानिमित्त शीख समुदायातील लोकांनी अमृतसरमधील सुवर्ण मंदिरात निदर्शने केली. घोषणाबाजी करत जरनल सिंह भिंडरावाले यांचे पोस्टर्सही पाहायला मिळाले. खलिस्तान समर्थक घोषणाही देण्यात आल्या.
Operation Blue Star: ऑपरेशन ब्लू स्टार(Operation Blue Star)च्या 40 व्या वर्धापनदिनानिमित्त, शीख समुदायातील लोकांनी अमृतसरच्या सुवर्ण मंदिर संकुलात घोषणाबाजी केली. निदर्शनादरम्यान जरनल सिंह भिंडरावाले यांचे पोस्टर पाहायला मिळाले. खलिस्तान समर्थक घोषणाही देण्यात आल्या. तरुणांनी तलवारी उंचावत खलिस्तानच्या समर्थनार्थ घोषणा दिल्या. परिस्थीती चिघळून नये म्हणून पोलिसांनी अंतर्गत सुरक्षा वाढवली. कोणतीही अनुचित घटना घडू नये म्हणून एक हजाराहून अधिक टास्क फोर्स सदस्य आणि सेवक तैनात केले गेले. पंजाब पोलिसांनीही विस्तृत सुरक्षा व्यवस्था केली. साध्या वेशात शेकडो पोलीस आवारात तैनात करण्यात आले आहेत.
आज ऑपरेशन ब्लू स्टारला 40 वर्षे पूर्ण झाली आहेत. लष्कराकडून ऑपरेशन ब्लूस्टार या दिवशी सुवर्ण मंदिरात राबवले गेले होते. जर्नेलसिंग भिंडरावाले आणि खलिस्तान समर्थक अतिरेक्यांनी अकाल तख्त हरमंदिर साहिबकडे जाणाऱ्या सैन्याला जोरदार विरोध केला आणि यादरम्यान दोन्ही बाजूंनी जोरदार गोळीबार झाला.
Pro-Khalistan slogans raised at Golden Temple on Operation Blue Star anniversary
Read @ANI Story | https://t.co/nAnrsvpaca#GoldenTemple #OperationBlueStar #Punjab pic.twitter.com/NWFOq3IoJg
— ANI Digital (@ani_digital) June 6, 2024
ऑपरेशन ब्लू स्टार दरम्यान सुवर्ण मंदिरात मोठा रक्तपात झाला होता. अकाल तख्तचे मोठे नुकसान झाले होते. ऑपरेशनदरम्यान शेकडो सामान्य नागरिकांचा तसेच ८७ भारतीय जवानांचाही मृत्यू झाला होता. हे ऑपरेशन 1 जून ते 10 जून 1984 पर्यंत चालले. लोकसभा निवडणुकीत पंजाबमधील दोन जागांवरून खलिस्तानी समर्थक अमृतपाल सिंग आणि इंदिरा गांधींचे मारेकरी बेअंत सिंग यांचा मुलगा सरबजीत सिंग खालसा यांनी विजय मिळवला.
(The above story first appeared on LatestLY on Jun 06, 2024 10:05 AM IST. For more news and updates on politics, world, sports, entertainment and lifestyle, log on to our website latestly.com).
