SBI Job Alert: बँकेत नोकरी शोधणाऱ्यांसाठी चांगली संधी; एसबीआय करणार 12 हजार लोकांची भरती, जाणून घ्या सविस्तर

SBI Job Alert: सरकारी नोकरीची तयारी करणाऱ्या उमेदवारांसाठी आनंदाची बातमी आली आहे. स्टेट बँक ऑफ इंडिया म्हणजेच एसबीआय 12 हजार कर्मचाऱ्यांना नोकऱ्या देणार आहे. बँकेने माहिती तंत्रज्ञान (IT) व्यतिरिक्त, इतर विविध भूमिकांसाठी सुमारे 12,000 कर्मचारी भरती करण्याचे लक्ष्य ठेवले आहे. आयटीसोबतच या कर्मचाऱ्यांना वेगवेगळ्या भूमिकांचे प्रशिक्षणही दिले जाणार आहे. बँकेचे अध्यक्ष दिनेश खारा यांनी गुरुवारी कर्मचाऱ्यांच्या नियुक्ती प्रक्रियेबाबत सविस्तर माहिती दिली.

सुरुवातीला या नवनियुक्त कर्मचाऱ्यांना बँकिंगमध्ये काम करावे लागले. त्यांच्यापैकी काहींना नंतर आयटी आणि इतर समर्थन भूमिकांमध्ये हस्तांतरित केले जाईल. खारा यांच्यानुसार, सुमारे 11,000 ते 12,000 कर्मचाऱ्यांची भरती केली जाणार आहे. बँकेचे अध्यक्ष पुढे म्हणाले की, बँक विशेषत: नवीन कर्मचाऱ्यांची नियुक्ती करण्यासाठी तंत्रज्ञान कौशल्याचा विचार करत आहे. म्हणाले- अलीकडे तंत्रज्ञान कौशल्यांसाठी भरती सुरू झाली आहे.

नवीन भरती होणाऱ्या लोकांना, बँकिंगची त्यांची समज विकसित करण्याची संधी दिली जाईल आणि बँक त्यांना विविध सहयोगी भूमिकांमध्ये काम देईल. त्यांच्यापैकी काहींना आयटीमध्ये देखील ठेवले जाईल. मार्च 2024 मध्ये संपलेल्या आर्थिक वर्षात बँकेच्या एकूण कर्मचाऱ्यांची संख्या 2 लाख 32 हजार 296 होती, जे आर्थिक वर्ष 2023 मध्ये 2 लाख 35 हजार 858 होते. (हेही वाचा: Simpl Layoffs: फिनटेक कंपनी सिंपलमध्ये टाळेबंदी, 170 कर्मचाऱ्यांनी गमावली नोकरी)

दरम्यान, बँकेने 2023-24 या आर्थिक वर्षासाठी प्रत्येक इक्विटी शेअरवर 13.70 रुपये लाभांश जाहीर केला आहे. त्यात म्हटले आहे की, 31 मार्च 2024 पर्यंत, त्याचा निव्वळ एनपीए एका वर्षापूर्वी 0.67 टक्क्यांवरून 0.57 टक्क्यांवर आला आहे. चौथ्या तिमाहीत कंपनीचा महसूल एका वर्षापूर्वी 1.06 लाख कोटी रुपयांवरून 1.28 लाख कोटी रुपयांपर्यंत वाढला आहे.

(The above story first appeared on LatestLY on May 10, 2024 05:29 PM IST. For more news and updates on politics, world, sports, entertainment and lifestyle, log on to our website latestly.com).