Edappadi K. Palaniswami | (Photo Credit- Twitter)

AIADMK सरचिटणीस एडप्पादी पलानीस्वामी यांनी शनिवारी जाहीर केले की त्यांचा पक्ष 2026 मध्ये होणाऱ्या तामिळनाडू विधानसभा निवडणुकीसाठी भाजपसोबत युती करणार नाही.

पलानीस्वामी यांनी सालेम येथे पत्रकारांशी बोलताना सांगितले की, "एआयएडीएमके भाजपसोबत युती करून 2026 ची विधानसभा निवडणूक तामिळनाडूत लढणार नाही." नुकत्याच पार पडलेल्या लोकसभा निवडणुकीत संयुक्त AIADMK-BJP युतीला तामिळनाडूमध्ये मोठी निराशा हाती लागली. तामिळनाडूमध्ये DMK-नेतृत्वाखालील भारत आघाडीने शानदार कामगिरी केलेली पहायला मिळाली. (हेही वाचा -  Rahul Gandhi To Be Next LoP? लोकसभेत विरोधी पक्षनेतेपदासाठी राहुल गांधींच्या नावाला मंजुरी; कॉंग्रेस कार्यकारिणी बैठकीत ठराव मंजूर)

लोकसभा निवडणुकीतील पक्षाच्या कामगिरीबद्दल बोलताना, माजी मुख्यमंत्री म्हणाले, "मी राज्यभरातील सर्व AIADMK उमेदवारांसाठी एकट्याने प्रचार केला, तर भाजप आणि INDIA आघाडामधील अनेक राष्ट्रीय आणि राज्यस्तरीय नेते होते जे संपूर्ण वेळ आपल्याच उमेदावाराच्या प्रचारात होते. " ते असेही म्हणाले की AIADMK विरुद्ध समर्थन आणि चुकीची माहिती पसरवत असताना देखील पक्षाने 2019 च्या निवडणुकीच्या तुलनेत 1 टक्क्यांनी आपला मताधिक्य वाढविण्यात यश मिळवले आहे.

शिवाय, पलानीस्वामी यांनी भाजपच्या नेतृत्वाखालील एनडीएने दक्षिणेकडील राज्यात जागा मिळवल्याच्या दाव्याचे खंडन केले आणि सांगितले की AIADMK ची मते इतर कोणत्याही पक्षाकडे गेली नाहीत. "तामिळनाडूमध्ये भाजपचा विकास झाला आहे, असे अनेकजण प्रोजेक्ट करण्याचा प्रयत्न करत आहेत. 2014 मध्ये एनडीएची मतांची टक्केवारी 18.80 टक्के होती. 2024 मध्ये एनडीएची मते 18.28 टक्के होती. त्यामुळे भाजपची आघाडी वाढली असे म्हणणे चुकीचे आहे. असे त्यांनी म्हटले.