विरोधी पक्षांचे एकत्रिकरण हे माझ्या नाही देशातील जनतेच्या विरोधात- नरेंद्र मोदी
आमचं सरकार एका कुटुंबासाठी काम करत नाही तर 130 कोटी जनतेसाठी काम करतं, असा टोला पंतप्रधान नरेंद्र मोदींनी लगावला आहे.
पश्चिम बंगाल (West Bengal) मधील कोलकता (Kolkata) येथे तृणमूल काँग्रेस प्रमुख ममता बनर्जी (Mamata Banerjee) सह इतर विरोधी पक्षांनी महारॅलीचे आयोजन केले होते. याविरुद्ध पंतप्रधान नरेंद्र मोदींनी (Narendra Modi) आवाज उठवला. भ्रष्टाचाराविरोधात पावलं उचलायला लागल्यावर सर्व भ्रष्ट पक्ष एकत्र आले. त्यांचा हा विरोध माझ्या नाही तर जनतेच्या विरोधात असल्याचं मोदींनी म्हटलं आहे. मेडिकल कॉलेजच्या उद्घाटन प्रसंगी ते सिल्वासा (Silvassa) येथे बोलत होते.
आमचं सरकार एका कुटुंबासाठी काम करत नाही तर 130 कोटी जनतेसाठी काम करतं, असा टोला पंतप्रधान नरेंद्र मोदींनी लगावला आहे. लोकशाहीची गळाचेपी करणारे आता लोकशाहीची भाषा करत असल्याचे मोदी म्हणाले.
PM Modi in Silvassa: This 'ganthbandhan' is not against Modi but against the people of India. Currently, they are not even properly together and already that have started bargaining for their share. pic.twitter.com/UbpNULGgHA
— ANI (@ANI) January 19, 2019
इतकंच नाही तर आपलं कुटुंब पुढं नेण्याचा आमचा प्रयत्न नसून भारत जगातील सर्वोत्तम देश व्हावा यासाठी आम्ही प्रयत्नशील आहोत. त्यामुळे आम्ही आमच्या कामावर लक्ष केंद्रीत करतो. आम्ही कामदार आहोत, नामदार नाहीत, असं म्हणत मोदींनी काँग्रेसवर निशाणा साधला आहे.
PM Modi in Silvassa: My actions against corruption have infuriated some people. It's but natural for them to get angry as I've prevented them from looting public money. Consequently, they have now formed an alliance called Mahagathbandhan pic.twitter.com/3WPyJtKRx5
— ANI (@ANI) January 19, 2019
PM Modi in Silvassa: Jab loktantra ka gala ghotne wale loktantra ko bachane ki baat karte toh desh ke munh se nikalta hai 'wah kya baat'. pic.twitter.com/Ac7D0e3tkt
— ANI (@ANI) January 19, 2019
दादरा नगर हवेली आणि दमण दीव स्वतंत्र झाल्यानंतर हे पहिले मेडिकल कॉलेज आहे. या मेडिकल कॉलेजमध्ये 150 जागा आहेत, त्याचबरोबर विद्यार्थ्यांना प्रोत्साहन देण्यासाठी सिल्वासा येथे पॅरामेडिकलचे 250 आणि दमणमध्ये नर्सिंगच्या 50 जागांची व्यवस्था करण्यात आल्याचे मोदींनी सांगितले. उत्तम प्रतीच्या आरोग्य सुविधा मिळण्यासाठी याची नक्कीच मदत होईल, असेही मोदी म्हणाले.
(The above story first appeared on LatestLY on Jan 19, 2019 05:01 PM IST. For more news and updates on politics, world, sports, entertainment and lifestyle, log on to our website latestly.com).
