QuickLY
Socially
मुंबई: महाराष्ट्रात भाद्रपद गणेशोत्सवाप्रमाणेच माघी गणेश जयंतीचा उत्साह मोठ्या प्रमाणावर पाहायला मिळतो. यंदा गुरुवार, २२ जानेवारी २०२६ रोजी माघी गणेश जयंती साजरी होणार आहे. या मंगल दिनी अनेक घरांमध्ये आणि सार्वजनिक मंडळांमध्ये बाप्पाची स्थापना केली जाते. या सोहळ्यासाठी आपले नातेवाईक आणि मित्रमंडळींना आग्रहाचे निमंत्रण देण्यासाठी सोशल मीडियाचा वापर वाढला आहे. डिजिटल निमंत्रण पत्रिका आणि व्हॉट्सॲप मेसेजेससाठी काही प्रभावी नमुने खालीलप्रमाणे आहेत.
निमंत्रण पत्रिकेसाठी आकर्षक मराठी मजकूर
निमंत्रण देताना भाषेतील आपुलकी आणि भक्ती महत्त्वाची असते. तुम्ही खालीलपैकी कोणताही एक नमुना वापरू शकता:
- माघी गणेश जयंती 2021 आमंत्रणपत्रिका
*llश्री* *गणेशाय* *नम:ll*
सालाबादा प्रमाणे यंदाही आमच्याकडे माघी गणपतीचं आगमन होणार आहे. या आनंदसोहळ्या प्रसंगी आपण आपल्या संपूर्ण परिवार व आपतेष्टां सोबत आपल्या लाडक्या बाप्पाचे दर्शन व प्रसादाचा लाभ घेण्यासाठी जरुर यावे ही नम्र विनंती.
पत्ता:
2: "बाप्पा येती घरी, आनंदाच्या लहरी! यंदाच्या माघी गणेश जयंतीनिमित्त आमच्या घरी होणाऱ्या गणरायाच्या आगमन सोहळ्यास आपण अगत्याने उपस्थित राहावे. आपल्या उपस्थितीने या आनंदाला अधिक बहार येईल. स्थळ: [तुमचा पत्ता] वेळ: [वेळेचा उल्लेख करा]"
डिजिटल निमंत्रण पत्रिका (E-Invitations)
आजकल अनेकजण छापील पत्रिकांऐवजी डिजिटल कार्ड्सना पसंती देतात. यासाठी तुम्ही 'Canva' किंवा 'EasyInvite' सारख्या ऑनलाईन टूल्सचा वापर करून स्वतःची पत्रिका डिझाइन करू शकता. पत्रिकेवर गणपतीची सुंदर प्रतिमा, पिवळा किंवा लाल यांसारखे शुभ रंग आणि स्पष्ट मजकूर असणे आवश्यक आहे.
व्हॉट्सॲप निमंत्रण संदेश (Short Invite)
जर तुम्हाला थोडक्यात निमंत्रण द्यायचे असेल, तर हा संदेश उपयुक्त ठरेल: "नमस्कार, गुरुवार २२ जानेवारी २०२६ रोजी माघी गणेश जयंती आहे. त्यानिमित्त आमच्या घरी बाप्पाचे दर्शन आणि महाप्रसादाचे आयोजन केले आहे. तरी आपण नक्की यावे ही विनंती. गणपती बाप्पा मोरया!"
महत्वाच्या तारखा आणि वेळ (नोंद घ्या)
गणेश जयंती: २२ जानेवारी २०२६ (गुरुवार).
मध्यान्ह पूजा मुहूर्त: सकाळी ११:२९ ते दुपारी १:३७ पर्यंत.
चंद्र दर्शन टाळण्याची वेळ: सकाळी १०:१४ ते रात्री १०:०४ (मिथ्या दोष टाळण्यासाठी).
