Gautam Gambhir फाउंडेशन औषधांचा अनधिकृत साठा, खरेदी व COVID-19 रुग्णांना Fabiflu वितरणात दोषी; ड्रग कंट्रोलरची दिल्ली उच्च न्यायालयात माहिती
गौतम गंभीर (Photo Credit: IANS)

दिल्ली सरकारच्या ड्रग कंट्रोलरने (Delhi Drug Controller) गुरुवारी उच्च न्यायालयात सांगितले की, कोविड-19 (COVID-19) रुग्णांच्या उपचारासाठी वापरल्या जाणाऱ्या Fabiflu या औषधाचे अनधिकृत होर्डिंग, खरेदी आणि वितरण केल्याबद्दल गौतम गंभीर फाउंडेशन (Gautam Gambhir Foundation) दोषी आढळले आहे. फाउंडेशन, औषध विक्रेत्यांविरूद्ध कोणतीही उशीर न करता कारवाई केली पाहिजे, असे औषध नियंत्रक म्हणाले. ड्रग्ज कंट्रोलरने हायकोर्टाला सांगितले की, ड्रग्स आणि कॉस्मेटिक्स कायद्यांतर्गत आमदार प्रवीण कुमार यांनाही अशाच गुन्ह्यांमध्ये दोषी ठरवले आहे. दरम्यान, कोर्टाने ड्रग कंट्रोलरला सहा आठवड्यांत या प्रकरणांच्या प्रगतीचा सद्यस्थिती अहवाल सादर करण्याचे निर्देश दिले व पुढील सुनावणीसाठी 29 जुलैची तारीख निश्चित केली आहे.

उल्लेखनीय म्हणजे कोविड-19 रुग्णांच्या उपचारांमध्ये वापरल्या जाणाऱ्या औषधांची कमतरता असताना दिल्ली उच्च न्यायालयाने 25 मे रोजी ड्रग्स कंट्रोलरला राजकारण्यांनी मोठ्या प्रमाणात खरेदी केलेल्या औषधांच्या प्रकरणाची चौकशी करण्याचे निर्देश दिले होते. AAP चे आमदार प्रीती तोमर आणि प्रवीण कुमार यांनी ऑक्सिजन जमा करण्याच्या आणि खरेदी केल्याच्या आरोपाचा दर्जा अहवाल सादर करण्याचेदिल्ली उच्च न्यायालयाने दिल्ली ड्रग कंट्रोलरला असे आदेश दिले होते. न्यायमूर्ती विपिन संघी आणि न्यायमूर्ती जसमीत सिंह यांच्या खंडपीठाने असे सांगितले होते की आधीच त्या औषधाची कमतरता असताना एखाद्या व्यक्तीला फॅबीफ्लू औषधाची दोन हजार पाने खरेदी करणे कसे शक्य होते आणि दुकानदाराने इतके औषध कसे दिले हे शोधून काढावे.

दीपक कुमार यांनी दाखल केलेल्या जनहित याचिकेवर (पीआयएल) उच्च न्यायालयात सुनावणी होती. कुमार यांनी गंभीर आणि या प्रकरणात सामील असलेल्यांविरोधात FIR दाखल करण्याची मागणी केली होती. आधीच्या सुनावणी दरम्यान कोर्टाने म्हटले होते की औषध नियंत्रकांनी दाखल केलेल्या अहवालाबाबत ते पूर्णपणे असमाधानी आहे आणि औषध नियंत्रकाने गुंतलेल्या कायदेशीर बाबींकडे लक्ष दिले नाही असे दिसत आहे.