Congress Foundation Day: पक्षाच्या स्थापना दिवसाचे औचित्य साधून कॉंग्रेसचा 28 डिसेंबर रोजी देशभरात फ्लॅग मार्च; देणार CAA विरुद्ध 'भारत वाचवा' संदेश

28 डिसेंबर रोजी, आपल्या स्थापना दिनाच्या (Congress Foundation Day) दिवशी कॉंग्रेस देशभरात फ्लॅग मार्च (Flag March) काढणार आहे. या ध्वज मोर्चाच्या माध्यमातून कॉंग्रेस पक्ष 'संविधान वाचवा - भारत वाचवा' असा संदेश लोकांपर्यंत पोहोचविण्याचा प्रयत्न करेल. कॉंग्रेसचा विरोध असलेल्या नागरिकत्व दुरुस्ती कायद्याच्या (CAA) विरोधात देशभरात व्यापक निषेधाच्या दरम्यान, पक्षाकडून फ्लॅग मार्च काढण्याचा निर्णय घेण्यात आला आहे. कॉंग्रेसचे सरचिटणीस, केसी वेणुगोपाल यांना याबाबत दिलेल्या माहितीनुसार, पक्ष 28 डिसेंबर (शनिवारी) सकाळी 9 वाजता एआयसीसीच्या मुख्यालयात झेंडा फडकवून स्थापना दिवस साजरा करेल.

या व्यतिरिक्त ते म्हणाले की, संबंधित राज्यांच्या राजधानींमध्येही प्रथाध्वज फडकाव्यतिरिक्त, राज्य कॉंग्रेस कमिटीचे अध्यक्ष ‘संविधान वाचवा - भारत वाचवा’ असा संदेश घेऊन फ्लॅग मार्च काढतील. या उद्देशाने आयोजित केलेल्या जाहीर सभांमध्ये कॉंग्रेस पक्षांचे नेते त्यांच्या भाषेत राज्यघटनेची प्रस्तावनाही वाचतील. कॉंग्रेसचे माजी अध्यक्ष राहुल गांधी इतर ज्येष्ठ नेत्यांसमवेत गुवाहाटी येथील कार्यक्रमात उपस्थित राहणार आहेत. यादरम्यान, एनआरसी व सीएए प्रकरणावरून झालेल्या गदारोळावर भाष्य करीत, वेणुगोपाल यांनी पंतप्रधान नरेंद्र मोदींवर नि:पक्षपातीपणा असल्याचा आरोप केला. (हेही वाचा: दिल्ली: राजीव सातव यांच्याकडे मोठी जबाबदारी; काँग्रेस पक्षातील अनेकांच्या राजकीय भविष्याचा करणार फैसला)

यासह, त्यांनी हा दावा देखील केला की पोलिसांनीच आंदोलनकर्त्यांवर हल्ले केले आणि बर्‍याच ठिकाणी पोलिसांच्याच गोळीबारामुळे मृत्यू झाल्याच्या घटना घडल्या आहेत. सीएएने भारतीय संविधानाचे उल्लंघन केल्यामुळे कलम 14 ची हमी रद्द करण्याचा प्रस्ताव दिला आहे. ते पुढे म्हणाले की, जेव्हा जेव्हा भारतीय घटनेला आव्हान देणारा प्रसंग उद्भवेल तेव्हा तेव्हा कॉंग्रेसपक्ष त्याच्या विरोधात उभा राहील. दरम्यान उत्तर प्रदेशच्या प्रभारी सरचिटणीस प्रियांका लखनऊमध्ये होणाऱ्या कॉंग्रेस स्थापना दिवस सोहळ्यास उपस्थित राहतील. याशिवाय त्या कॉंग्रेस प्रदेश नेत्यांसमवेत बैठकही घेणार आहेत.

(The above story first appeared on LatestLY on Dec 27, 2019 08:15 PM IST. For more news and updates on politics, world, sports, entertainment and lifestyle, log on to our website latestly.com).