Zomato Food Tampering Viral Video (Photo Credits: Twitter)

झोमॅटोच्या (Zomato) एका डिलिव्हरी बॉयने घरपोच सेवा देताना एका ऑर्डरच्या डब्ब्यातील अन्न खाल्ल्याचा व्हिडिओ काही दिवसांपूर्वी सोशल मीडियामध्ये व्हायरल झाला आहे. याप्रकरणानंतर झोमॅटोने या गोष्टीची गंभीर दखल घेत भविष्यात अशाप्रकारची चूक होणार नसल्याचे जाहीर केलं आहे. तसेच यासाठी टेम्पर प्रुफ टेप (Tamper Proof Tapes) वापरण्यात येईल असेदेखील एका ब्लॉग पोस्टच्या माध्यमातून सांगितले आहे.

झोमॅटोने जाहीर केलेल्या ब्लॉग पोस्टमध्ये व्हायरल झालेला व्हिडिओ हा भारतातील मदुराई भागातील असल्याचं म्हटलं आहे. संबंधित डिलिव्हरी बॉयला कामावरून काढून टाकले असून भविष्यात ग्राहकांना अशाप्रकारच्या त्रासाचा सामना करावा लागू नये म्हणून आता टेम्पर प्रुफ टेप लावून पार्सल दिले जाईल असे झोमॅटोकडून सांगण्यात आले आहे. Video: Zomato चे पार्सल घेऊन येणाऱ्या तरुणाचा पाहा प्रताप

आजकाल घरबसल्या जवळच्या आवडत्या फूड जॉईंट्स किंवा रेस्ट्रॉरंटमधून घरपोच जेवण आणून देण्यासाठी अनेक फूड सर्व्हिस अ‍ॅप्स लोकप्रिय आहेत. सध्या भारतभर स्विगी, फूड पांडा, झोमॅटो आणि बॉक्स 8 अशा लोकप्रिय अ‍ॅपकडून घरपोच पदार्थ पोहचवले जातात. झोमॅटो जगभरात 23 देशात आपली सेवा देते.