QuickLY
Socially
राजकरणातील नेत्यांकडून करण्यात येणाऱ्या विधानांमुळे नेहमीच चर्चा किंवा वाद झाल्याचे समोर आले आहे. परंतु काही राजकीय नेते अज्ञातपणे काही वेळेस वादग्रस्त विधान करतात तर काही जण सुज्ञातपणे आपण चर्चेत रहावे म्हणून काही विधाने करुन मोकळे होतात. असे फक्त राजकरणात होत असल्याचे बहुतांश वेळा दिसून येते. मात्र सोशल मीडियात एका पत्रकाराचा व्हिडिओ वेगाने व्हायरल होत असून त्यामध्ये 'आदित्य ठाकरे (Aaditya Thackeray) हे शिवसेनेचे राहुल गांधी सिद्ध होतील' असे लाईव्ह शो दरम्यान बोलताना दिसून आले आहे. तर लाइव्ह दरम्यान पत्रकाराचा आवाज म्यूट करण्यात आला नसल्याने आदित्य ठाकरे यांच्याबाबत केलेल विधान समोर आले आहे.
आदित्य ठाकरे यांच्याबाबत केलेले विधान आज तक या हिंदी वृत्तवाहिनीतील वरिष्ठ महिला पत्रकार अंजना ओम प्रकाश यांनी केले आहे. या व्हिडिओतून असे स्पष्ट होत आहे की, लाइव्ह शो दरम्यान पीसीआर मध्ये झालेल्या काही चुकीमुळे अंजना यांचे हे विधान लाइव्ह झाले. मात्र त्यांना हे विधान चॅनलवर बोलायचे नव्हते. अंजना ओम प्रकाश यांनी आदित्य ठाकरे शिवसेनेचे राहुल गांधी होतील हे सिद्ध होईल असे विधान केले असल्याचे स्पष्टपणे ऐकायला येत आहे. हे विधान सोशल मीडियात प्रचंड व्हायरल झाले आहे.
चैनलों में पीसीआर की गड़बड़ी से बहुत सारी बातें सामने आ जाती हैं। जो बात एंकर चैनल पर नहीं कह सकता, वो भी कह देते है। @anjanaomkashyap ने @ShivSena के आदित्य ठाकरे को @INCIndia का @RahulGandhi करार दिया है। ठीक 30 सेकेंड पर ऑडियो सुनिए.... pic.twitter.com/W0eJKCw0Wa
— Dr. Harish Chandra Burnwal (@hcburnwal) September 21, 2019
परंतु यावर शिवसेनेच्या उपनेत्या प्रियंका चतुर्वेदी यांनी ट्वीट करत अंजना ओम प्रकाश यांच्यावर टीका केली आहे. प्रियंका चतुर्वेदी यांनी ट्वीट करत असे म्हटले आहे की, कोण कसे आहे ते वेळ सिद्ध करेलच, पण काही पत्रकार आधीच भाड्याचे टट्टू सिद्ध झाले आहेत. पत्रकारितावर लक्ष द्यावे, रस्त्यावरील पोपट सुद्धा पैसे देऊन भविष्यवाणी करत असल्याचा संताप व्यक्त केला आहे.
कौन क्या साबित होगा वो तो समय ही तय करेगा, पर कुछ लोग तो बहुत पहले से ही भाड़े के टट्टु साबित हो चुके हैं! पत्रकारित्ता पर ध्यान दें, भविष्यवाणी तो तोता भी सड़कों पर पैसे से करता है।
— Priyanka Chaturvedi (@priyankac19) September 21, 2019
मात्र आदित्य ठाकरे यांच्याबाबात अनावधानतेने केलेल्या वक्तव्यावर अंजना ओम प्रकाश यांनी ट्वीट करत स्पष्टीकरण दिले आहे. ट्वीटमध्ये त्यांनी असे म्हटले आहे की, आदित्य ठाकरे यांच्याबाबत केलेल्या विधानावर खंत व्यक्त करते असे म्हटले आहे.(Assembly Election 2019: महाराष्ट्राच्या जनतेची दिशाभूल करण्यासाठी पुलवामासारखी घटना घडवली जाऊ शकते; शरद पवार यांचा सत्ताधाऱ्यांवर आरोप)
My remark on Aditya Thackeray which is being spread with malice was out of lapse of judgement. I regret it. This, by no means, reflects the views of the channel or the network.
— Anjana Om Kashyap (@anjanaomkashyap) September 21, 2019
इंडिया टुडे कॉन्क्लेव मध्ये आदित्य ठाकरे सहभागी झाले होते त्यावेळी हे विधान अंजना ओम प्रकाश यांच्याकडून करण्यात आले होते. तर पीसीआर मधील काही गोंधळामुळे अंजना यांचा माईक सुरुच राहिला आणि त्यावेळी आदित्य ठाकरे यांच्याबाबत असे विधान केले गेले आहे.
