मंगळवारी फ्रान्स येथे कोरोना व्हायरस संक्रमणाच्या दहा हजारहून अधिक मृत्यूची नोंद झाली. इटली, स्पेन आणि अमेरिकेनंतर सर्वाधिक मृत्यू झालेल्या देशांमध्ये फ्रान्सचा नंबर लागतो.

गुजरातमध्ये कोरोना व्हायरसमुळे आज एका 14 महिन्यांच्या मुलीचा मृत्यू झाला. ही गुजरातली सर्वात लहान रुग्ण होती. जामनगमधल्या के जी.जी. हॉस्पिटलमध्ये तिला भरती करण्यात आले होते.

कोरोना विषाणूने संपूर्ण भारतात थैमान घातला आहे. कोरोना विषाणूची लागण होऊन भारतात अनेकांचा मृत्यू झाला आहे. यातच कोरोना विषाणूची लागण झाल्यामुळे 14 महिन्याच्या चिमुकल्याने आपला जीव गमावला आहे. ट्वीट- 

  

हिमाचल प्रदेश मध्ये आणखी 9 रुग्ण आढळले आहेत. हे सर्व दिल्लीतील तबलीगी जमात कार्यक्रमात सहभागी झाल्याची माहीती समोर आली आहे.ट्वीट-

  

महाराष्ट्रामधील निजामुद्दीन येथील धार्मिक कार्यक्रमात सहभागी झालेल्या व्यक्तींपैकी 23 जण कोरोना व्हायरस बाधित आहेत. यापैकी लातूर 8, बुलढाणा 6, पुणे, पिंपरी चिंचवड, अहमदनगर प्रत्येकी 2, हिंगोली, जळगाव, वाशीम येथील प्रत्येकी 1 रुग्णाचा समावेश आहे. 

राजधानी दिल्लीत आज 25 कोरोना व्हायरस पॉझिटिव प्रकरणे समोर आली आहेत. आता दिल्लीतील एकूण रुग्णांची संख्या 550 झाली आहे, त्यापैकी 331 प्रकरणे निजामुद्दीन मरकझ संबंधित आहेत. 170 प्रकरणांमध्ये रुग्णांनी परदेशी प्रवास केला होता. 49 प्रकरणांची तपासणी चालू आहे.

भाजपचे आमदार आशिष शेलार यांना पितृशोक झाला आहे. त्यांनी आज सोशल मिडियाद्वारे याची माहिती दिली. त्यांचे वडिल बाबाजी शेलार यांचे वयाच्या 85 व्या वर्षी दीर्घ आजाराने निधन झाले. मात्र सध्य परिस्थितीत फोन, मेसेजेसद्वारेच भेटण्याचे आवाहन त्यांनी लोकांना केले आहे.

महाराष्ट्र राज्य उत्पादन शुल्क विभागाने गेल्या 24 तासांत 38 लाख रुपयांचे मद्य जप्त केले आहे. तसेच 55 जणांना अवैद्य मद्य विक्री प्रकरणी अटक केली आहे.  

 

महाराष्ट्रात आज 150 नव्या कोरोना रुग्णांची भर पडली आहे. त्यामुळे राज्यातील कोरोना बाधितांची संख्या 1018 वर पोहचली आहे. यासंदर्भात राज्याच्या आरोग्य विभागाने माहिती दिली आहे.

आज देशात गेल्या 24 तासांत 508 नव्या कोरोना रुग्णांची भर पडली आहे. तर 13 जणांना कोरोनामुळे आपला जीव गमवावा लागला आहे. त्यामुळे भारतातील कोरोना बाधितांची संख्या 4789 झाली आहे. यातील 4312 रुग्णांवर रुग्णालयात उपचार सुरू आहेत. तर आतापर्यंत 353 जणांना डिस्चार्ज देण्यात आला आहे. तसेच आतापर्यंत देशात कोरोनामुळे 124 जणांचा मृत्यू झाला आहे. यासंदर्भात आरोग्य व कुटुंब कल्याण मंत्रालयाने माहिती दिली आहे.

Load More

जगभरासोबतच भारतामध्येही कोरोना व्हायरसचा विळखा वाढत आहे. देशामध्ये वाढणारी कोरोनाबाधितांची संख्या ही सध्या चिंतेची बाब आहे. मात्र त्यावर नियंत्रण मिळवण्यासाठी सर्वतोपरी प्रयत्न केले जात आहे. सध्या अमेरिकेमध्ये कोरोना व्हायरसचं थैमान आहे. अशामध्ये अमेरिकेकेकडून भारताकडे Hydroxychloroquine या औषधाची मागणी होत आहे. काल मीडीयाशी बोलताना ट्रम्प यांनी भारताचे पंतप्रधान नरेंद्र मोदी यांच्याशी बोलणं झालं आहे. भारत-अमेरिका व्यापार संबंध चांगले आहेत. भारताने औषध दिले तर ठीक नाही दिल्यास त्याला जसाच तसे उत्तर भविष्यात मिळू शकते असा निर्वाणीचा इशारा देखील देण्यात आला आहे. अमेरिकेमध्ये काल 24 तासामध्ये 1150 जणांचा कोरोनामुळे मृत्यू झाला आहे.

युकेमध्ये पंतप्रधान Boris Johnson यांची कोरोना चाचणी यशस्वी आल्यानंतर आठवडाभरानंतर त्यांना काल हॉस्पिटलमध्ये दाखल करण्यात आलं आहे. यामध्ये काल खबरदारीसाठी आयसीयू मध्ये दाखल करण्यात आले आहे. तर चीनमध्ये काल दिवसभरात एकही कोरोनाबाधिताचा मृत्यू झाला नसल्याचं स्पष्ट करण्यात आलं आहे.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या.

भारतामध्ये कोरोना व्हायरसला रोखण्यासाठी 14 एप्रिल पर्यंत लॉकडाऊन घोषित करण्यात आला आहे. दरम्यान देशातील स्थितीपाहून हा लॉकडाऊन वाढवला जाणार का? याकडे सार्‍यांचे लक्ष लागले आहे. देशातील सर्वाधिक रूग्ण महाराष्ट्र राज्यामध्ये आहेत. यामुळे 14 नंतर राज्यातील लॉकडाऊन शिथिल होईल असा समज कुणी करू नये असेही राज्याचे आरोग्यमंत्री राजेश टोपे यांनी म्हटले आहे.