राजस्थान मध्ये कोरोना बाधितांचा आकडा 179 वर गेला असून त्यात आज 46 कोरोना ग्रस्त रुग्ण आढळून आले आहेत अशी माहिती राजस्थान आरोग्य विभागाने दिली आहे.

लॉकडाऊन बंद असल्यामुळे सर्व एअरलाईन्सची विमानसेवा 14 एप्रिलपर्यंत बंद ठेवण्यात आले आहेत. मात्र विस्तारा एअरलाईन्सच्या नवीन माहितीनुसार, 15 एप्रिलपासून विमानसेवेचे बुकिंग सुरु करणार असल्याची माहिती Vistara एअरलाईन्सच्या प्रवक्त्याने दिली आहे. तसेच केंद्र सरकारने नवीन अधिसूचना काढल्यास पुढील कारवाई करण्यात येईल असेही सांगण्यात येत आहे.

नूयॉर्क कोरना व्हायरसच्या संकटामुळे अत्यंत निर्णायकी क्षणांवर आले आहे. न्यूयॉर्कमध्ये तब्बल 10,482 इतक्या नव्या कोरोना रुग्णांची नोंद झाली आहे. तर, 562 जणांचा मृत्यू झाला आहे.

लॉकडाऊन काळात अवैधरित्या मद्य विक्री करणा-या नवी मुंबईतील संजोग बार आणि रेस्टॉरन्ट च्या मॅनेजर आणि वेटर्सना वाशी पोलिसांनी अटक केली आहे. तसेच या हॉटेलमधून 1.31 लाखांचा मद्यसाठा देखील जप्त केला आहे.

नवी दिल्लीत कोरोना व्हायरस बाधितांची संख्या 386 वर पोहोचली असून यात 93 नवीन रुग्ण आढळले आहेच. तसेच एकूण रुग्णांपैकी 259 कोरोना बाधित रुग्ण हे तबलिगी जमात कार्यक्रमातील आहे.

महाराष्ट्रात नवे 67 कोरोना बाधित रुग्ण आढळले असून कोरोना बाधितांचा आकडा 490 वर जाऊन पोहोचला आहे. यातील 26 रुग्णांचा मृत्यू झाला असून 50 लोकांना डिस्चार्ज देण्यात आली असल्याची माहिती राज्य आरोग्य विभागाने दिली आहे.

भारतात कोरोना बाधितांची संख्या 2547 वर गेली असून यात गेल्या 24 तासांत 478 नवे रुग्ण आढळल्याची माहिती आरोग्य मंत्रालयाने दिली आहे.

भारतात कोरोना बाधितांची संख्या 2547 वर गेली असून यात 2322 उपचार घेत असलेले, 162 डिस्चार्ज झालेले आणि 62 मृत्यू झालेल्या रुग्णांचा समावेश आहे, अशी माहिती आरोग्य मंत्रालयाने दिली आहे.

कोविड-19 चे भारतात पसरत चाललेला फैलाव लक्षात घेता राज्यसभा निवडणूका पुढे ढकलण्यात आल्या आहेत. नव्या तारखांची घोषणा काही कालावधीनंतर जाहीर केल्या जातील असे भारत निवडणूक आयोगाने सांगितले आहे.

मुंबई विमानतळावर तैनात असलेल्या 11 CISF जवानांना कोरोनाची लागण झाल्याची धक्कादायक माहिती CISF विभागाने दिली आहे. यातील एका जवानाचा पहिला रिपोर्ट पॉझिटिव्ह आला मात्र दुसरा रिपोर्ट निगेटिव्ह आला आहे. त्यामुळे तिस-या चाचणीसाठी त्याच्या रक्ताचे नमुने पाठविण्यात आले असून रिपोर्ट येणे बाकी आहे.

Load More

कोरोना व्हायरसचे संकट भारत देशात अधिक दाट व्हायला लागले आहे. देशात कोरोना रुग्णांची संख्या 2000 च्या पार गेली आहे. तर महाराष्ट्र सह केरळ, छत्तीसगड, पश्चिम बंगाल या राज्यातील कोरोना बाधितांच्या संख्येत झपाट्याने वाढ होत आहे. कोरोना रुग्णांची वाढती संख्या चिंतेची बाब बनत आहे. याच पार्श्वभूमीवर पंतप्रधान नरेंद्र मोदी आज सकाळी 9 वाजता देशवासियांना संबोधित करणार आहे. लॉकडाऊन घोषित केल्यानंतर पहिल्यांदाच मोदी जनतेशी थेट संवाद साधणार आहेत. यापूर्वी मोदींनी मन की बात या कार्यक्रमातून जनतेचे मनोबल वाढवत इमोशनल नव्हे सोशल डिस्टसिंग वाढवा असा संदेश दिला होता.

महाराष्ट्रातही कोरोना व्हायरसच्या रुग्णांची संख्या दिवसागणित वाढत आहे. त्यामुळे राज्य सरकार अधित सतर्क झाले आहे. कोरोना व्हायरसचा फैलाव रोखण्यासाठी मुंबईतील ज्या ठिकाणी कोरोनाचे रुग्ण आढळले आहेत ती ठिकाणी सील करण्यात आली असून जसलोक, सैफी यांसारखी नामांकीत हॉस्पिटल्स मधील रुग्णसेवाही काही प्रमाणात बंद करण्यात आली आहे. तसंच लॉकडाऊनचे नियम पाळण्याचे आवाहन अनेक स्तरातून सातत्याने करण्यात येत आहे.

आजच्या दिवसभरातील मुंबई, पुणे, नाशिक सह देशा-परदेशातील महत्त्वाच्या घडामोडी, ताज्या बातम्या जाणून घेण्यासाठी लेटेस्टली मराठी ला नक्की भेट द्या. 

इटली, स्पेन आणि अमेरिका या देशांमध्ये तर कोरोना व्हायरसने थैमान घातले आहे. कोरोना व्हायरसमुळे मृत्यूमुखी पडणाऱ्यांची संख्या दिवसेंदिवस वाढत आहे. त्यामुळे जगावर घोंगवणाऱ्या या संकटाला परतवून लावण्यासाठी केंद्र सरकार सह राज्य सरकारही सर्वोतोपरी प्रयत्न करत आहे. त्यांच्या या प्रयत्नांना यश येण्यासाठी नागरिकांच्या सहकार्याची आवश्यकता आहे.