QuickLY
Socially
Maratha Reservation: मराठा आरक्षणाच्या मागणीसाठी चार दिवसांपासून बेमुदत उपोषणाला बसलेले कार्यकर्ते मनोज जरांगे यांनी डॉक्टरांच्या सल्ल्यानंतरही इंट्राव्हेनस फ्लुइड्स (आयव्ही फ्लुइड्स) घेण्यास मंगळवारी नकार दिला आहे. मराठा समाजासाठी इतर मागासवर्गीय (ओबीसी) अंतर्गत आरक्षणाची मागणी करणारे जरांगे यांनी मध्य महाराष्ट्रातील जालना जिल्ह्यातील अंतरवली सराटी गावात नव्याने उपोषण सुरू केले आहे. सकाळी शासकीय ग्रामीण रुग्णालयाच्या पथकाने त्यांची तपासणी केली. त्यांचा रक्तदाब आणि रक्तातील साखरेची पातळी कमी होती आणि त्यांना रक्तवाहिन्यांद्वारे शरीरात द्रव घेण्याचा सल्ला देण्यात आला आहे. एका डॉक्टरने पत्रकारांना ही माहिती दिली आहे. मात्र, असा कोणताही आहार घेणार नसल्याचे जरांगे यांनी सांगितले. ते पत्रकारांना म्हणाले, “सरकारला आमच्या दुर्दशेची अजिबात काळजी नाही असे दिसते. त्यांना मराठा समाज धडा शिकवेल.
डॉक्टरांनी सांगितले की, जरांगे यांची प्रकृती खालावली आहे. काही न खाल्यामुळे त्यांच्या शरीरातील रक्तदाब खालावला आहे. त्यांच्या रक्तातील साखरेची पातळीही खालावली आहे.
मराठ्यांना सरकारने दिलेले 10 टक्के आरक्षण न्यायालयीन सुनावलीला तोंड देईल या महाराष्ट्राचे मंत्री आणि ओबीसी नेते छगन भुजबळ यांच्या विधानाबाबत विचारले असता, भुजबळांनी या प्रश्नात हस्तक्षेप करू नये, असे कार्यकर्त्याने सांगितले. मराठा समाजातील लोकांना कुणबी जातीचे प्रमाणपत्र द्यावे, अशी जरांगे यांची मागणी आहे. शेतीशी निगडीत कुणबी समाजाला ओबीसी दर्जा मिळाला आहे. दरम्यान, मनोज जरांगे पाटील यांना शक्य तितक्या लवकर उपचारांची गरज आहे. अशी माहिती जालन्याच्या आरोग्य जिल्हाधिकारी जयश्री भुसारे यांनी दिली.
