जम्मू-काश्मीरमध्ये गिरीश चंद्र मुर्मू तर लडाखमध्ये आर. के. माथुर यांनी घेतली नायब राज्यपालपदाची शपथ

जम्मू-काश्मीर (Jammu and Kashmir) आणि लडाख (Ladakh) या दोन्ही केंद्रशासित प्रदेशांच्या नव्या नायब राज्यपालांनी आज शपथ घेतली आहे. गिरीश चंद्र मुर्मू (Girish Chandra Murmu) यांनी जम्मू-काश्मीरच्या नायब राज्यपालपदाची शपथ घेतली. तर आर. के. माथुर (RK Mathur) यांनी लडाखच्या नायब राज्यपालपदाची शपथ घेतली आहे.

जम्मू-काश्मीरचे पहिले नायब राज्यपाल बनणारे मुर्मू हे 1985 च्या तुकडीतील गुजरात श्रेणीचे सनदी अधिकारी आहेत. तसेच ते पंतप्रधान नरेंद्र मोदी यांच्या विश्वासू अधिकाऱ्यांपैकी एक मानले जातात. (हेही वाचा - जम्मू-कश्मीर आणि लद्दाख आता केंद्रशासित प्रदेश, नवे नियम लागू)

एएनआय ट्विट - 

Srinagar: Girish Chandra Murmu takes oath as the first Lt. Governor of the Union territory of Jammu and Kashmir. The oath was administered by Chief Justice of J&K High Court, Gita Mittal. pic.twitter.com/UtPJHx8TAb

— ANI (@ANI) October 31, 2019

लडाखच्या नायब राज्यपालपदाची शपथ घेतलेले आर. के. माथुर हे 1977 च्या तुकडीचे सनदी अधिकारी आहेत. माथुर यांनी संरक्षण सचिव आणि माजी मुख्य माहिती आयुक्त ही पदे भूषविली आहेत. जम्मू-काश्मीर उच्च न्यायालयाच्या मुख्य न्यायाधीश गीता मित्तल यांनी आज मुर्मू व माथुर या दोघांनाही पदाची शपथ दिली.

RK Mathur, Lieutenant Governor of the Union Territory of Ladakh, after taking oath: Development is composite, efforts will be made to carry out development work in all areas. A development package will be made, and education & health will play an important role in it. pic.twitter.com/RDZsHBsbhF

— ANI (@ANI) October 31, 2019

गेल्या महिन्यात भाजप सरकारने जम्मू-काश्मीरला विशेष दर्जा देणारे कलम 370 रद्द केले. तसेच जम्मू-काश्मीर आणि लडाखला केंद्रशासित प्रदेश म्हणून घोषित केले होते. या दोन केंद्रशासित प्रदेशांच्या स्थापनेसाठी 31 ऑक्टोबर हा दिवस निश्चित करण्यात आला होता.

(The above story first appeared on LatestLY on Oct 31, 2019 05:13 PM IST. For more news and updates on politics, world, sports, entertainment and lifestyle, log on to our website latestly.com).