Mumbai Serial Bomb Blast Case: गुजरातमधून अटक केलेल्या चार आरोपींना न्यायालयीन कोठडी, 29 वर्षांपासून होते फरार
गुजरात दहशतवाद विरोधी पथकाने (ATS) 12 मे रोजी अहमदाबादच्या सरदारनगर भागातून एका विशिष्ट गुप्त माहितीवरून अटक केली होती. त्यानंतर त्याला सीबीआयकडे सोपवण्यात आले, जे सीबीआय बॉम्बस्फोटांचा तपास करत आहेत.
मुंबईतील विशेष सीबीआय (CBI) न्यायालयाने सोमवारी 1993 च्या मुंबई साखळी बॉम्बस्फोटप्रकरणी (Mumbai Serial Bomb Blast Case) या महिन्याच्या सुरुवातीला गुजरातमधून (Gujarat) अटक केलेल्या चार जणांना 14 दिवसांची कोठडी सुनावली. आरोपींनी त्यांची खरी ओळख लपवण्यासाठी बनावट कागदपत्रांचा वापर करून पासपोर्ट बनवले होते. चार आरोपी, अबू बकर, सय्यद कुरेशी, मोहम्मद शोएब कुरेशी आणि मोहम्मद युसूफ इस्माईल हे मूळचे मुंबईचे आहेत, यांना गुजरात दहशतवाद विरोधी पथकाने (ATS) 12 मे रोजी अहमदाबादच्या सरदारनगर भागातून एका विशिष्ट गुप्त माहितीवरून अटक केली होती. त्यानंतर त्याला सीबीआयकडे सोपवण्यात आले, जे सीबीआय बॉम्बस्फोटांचा तपास करत आहेत.
आरोपी 29 वर्षांपासून होते फरार
चारही आरोपींची कोठडी संपल्यानंतर सोमवारी त्यांना विशेष सीबीआय न्यायाधीश आर.आर.भोसले यांच्यासमोर हजर करण्यात आले. सीबीआयने त्याच्या कोठडीत आणखी 14 दिवस वाढ करण्याची विनंती केली. मात्र, न्यायालयाने याचिका फेटाळून लावत त्यांची रवानगी न्यायालयीन कोठडीत केली. या महिन्याच्या सुरुवातीला आरोपींना पकडण्यात आले होते. ते 29 वर्षांपासून फरार होता. (हे देखील वाचा: मुंबई विमानतळावर मोठी दुर्घटना टळली, कार्गो कॉम्प्लेक्सला आग; अग्निशमन दलाकडून आग नियंत्रणात)
Tweet
The four 1993 serial blast accused were presented in the court where they were sent to judicial custody for 14 days. CBI took it in its custody from Gujarat ATS.
— ANI (@ANI) May 30, 2022
या बॉम्बस्फोटात 257 जणांचा झाला होता मृत्यू
गुजरात पोलिसांच्या एका अधिकाऱ्याने याआधी सांगितले होते की, प्राथमिक तपासात हे चौघेजण 1993 च्या मुंबई साखळी बॉम्बस्फोट प्रकरणात वॉन्टेड असल्याचे समोर आले आहे. अधिकाऱ्याने सांगितले की, सीबीआयच्या विनंतीवरून इंटरपोलने त्याच्याविरुद्ध रेड कॉर्नर नोटीसही जारी केली होती. मार्च 1993 मध्ये मुंबईत झालेल्या 12 मालिका बॉम्बस्फोटात 257 लोक मारले गेले आणि 1,400 हून अधिक जखमी झाले.
(The above story first appeared on LatestLY on May 30, 2022 05:11 PM IST. For more news and updates on politics, world, sports, entertainment and lifestyle, log on to our website latestly.com).
