Bhopal Rape Case: निर्दयीपणाचा कळस! भोपाळमध्ये 8 वर्षीय चिमुकलीवर शाळेतील चौकीदाराने केला बलात्कार, आरोपी अटकेत
Rape | (Image Used For Representational purpose Only | (Photo Credits: Pixabay.com)

भोपाळमधील (Bhopal) खोफिजा (Khofija) भागातील एका सरकारी शाळेच्या शौचालयात साडेआठ वर्षांच्या मुलीवर तेथे काम करणाऱ्या सफाई कामगाराच्या पतीने बलात्कार (Rape) केल्याची माहिती पोलिसांनी शनिवारी दिली. मुलीने तो कसा दिसतो याचे वर्णन दिल्यानंतर पोलिसांनी आरोपीला अटक केली असून लक्ष्मीनारायण धानक असे त्याचे नाव आहे. एका मुलीवर बलात्कार झाल्याची घटना समोर आली आहे. ही घटना एका शाळेच्या (School) आवारात घडली आहे. आरोपी त्या शाळेत चौकीदार म्हणून काम करतो. त्याची ओळख पटवून त्याला पोलिसांनी अटक केली आहे. पुढील तपास सुरू आहे, अतिरिक्त सीपी सचिन अतुलकर यांनी सांगितले.

पोलिसांनी दिलेल्या माहितीनुसार, पीडित मुलगी चौथीत शिकत असून सहा दिवसांपूर्वी तिने शाळेत प्रवेश घेतला होता. ही घटना शुक्रवारी दुपारी दीड वाजता घडली. पीडित मुलगी जेवणाच्या वेळी बाथरूममध्ये गेली आणि दरम्यान, आरोपीने हाताने तिचे डोळे बंद केले, नंतर तिला उचलून बाथरूममध्ये नेले. त्याने पीडितेवर बलात्कार केला आणि नंतर घटनास्थळावरून पळ काढला, पोलिसांनी सांगितले.  मुलीला रडताना पाहून इतर विद्यार्थ्यांनी शिक्षकांना माहिती दिली. हेही वाचा Bhopal Rape Case: भोपाळमध्ये शाळेच्या आवारात 8 वर्षांच्या मुलीवर बलात्कार

अल्पवयीन मुलीने शिक्षिकेला सांगितले की पिवळा शर्ट घातलेला एक काका तिला बाथरूममध्ये घेऊन गेला, पोलिसांनी पुढे सांगितले. त्यानंतर शाळेच्या कर्मचाऱ्यांनी पोलिसांना घटनेची माहिती दिली. पोलिसांनी घटनास्थळी धाव घेऊन शाळेतील कर्मचाऱ्यांची चौकशी केली, त्यानंतर पोलिसांना लक्ष्मीनारायण यांनीच पिवळा शर्ट घातलेला असल्याचे समोर आले. चौकशी दरम्यान पोलिसांना आरोपीची माहिती मिळाली आणि नंतर त्याला अटक करण्यात आली. आरोपीने आपला गुन्हा कबूल केला. याप्रकरणी पुढील तपास सुरू आहे.