Gujarat Road Accident: सुरत जिल्ह्यातील कोसांम्बा येथे ट्रक खाली चिरडून 13 मजुरांचा मृत्यू
सुरत येथे मंगळवारी मध्यरात्रीच्या सुमारास एक भीषण अपघात झाला. येथे फूटपाथवर झोपलेल्या लोकांना ट्रकने चिरडले. या अपघातात 13 जणांचा मृत्यू झाला.
Gujarat Road Accident: गुजरातमधील सूरत येथे मंगळवारी मध्यरात्रीच्या सुमारास एक भीषण अपघात (Road Accident) झाला. येथे फूटपाथवर झोपलेल्या लोकांना ट्रकने चिरडले. या अपघातात 13 जणांचा मृत्यू झाला. तसेच अनेक जण गंभीर जखमी झाले. सध्या जखमींना रुग्णालयात दाखल करण्यात आले आहे. पोलिसांनी दिलेल्या माहितीनुसार, या अपघातातील सर्व बळी हे पेशाने मजूर असून ते राजस्थानचे आहेत.
माध्यमांनी दिलेल्या वृत्तानुसार, या अपघातात 8 लोक जखमी झाले असून त्यांना सुरतच्या स्मीयर रुग्णालयात दाखल करण्यात आलं आहे. सूरतच्या पालोद गावात हा अपघात झाला. सर्व कामगार फुटपाथवर झोपले असताना ऊस ट्रॅक्टर व ट्रक समोरासमोर आले आणि ट्रकचालकाचा डंपरवरील ताबा सुटला. हा ट्रक फुटपाथवर चढला. यात 13 मजूरांचा चिरडून मृत्यू झाला. (वाचा - Madhya Pradesh: मध्य प्रदेशातील उमरिया येथे 14 वर्षाच्या अल्पवयीन मुलीचे अपहरण करून नराधमांनी सलग 4 दिवस केला सामूहिक बलात्कार)
The loss of lives due to a truck accident in Surat is tragic. My thoughts are with the bereaved families. Praying that the injured recover at the earliest: Prime Minister Narendra Modi
(File photo) https://t.co/pxIfhczGgR pic.twitter.com/0kABiPawyy
— ANI (@ANI) January 19, 2021
या रस्ते अपघातानंतर पंतप्रधान नरेंद्र मोदी यांनी दु:ख व्यक्त केलं आहे. जखमींची प्रकृती लवकरात लवकर सुधारावी हीच प्रार्थना, मोदी यांनी म्हटलं आहे. या घटनेनंतर गुजरातमध्ये खळबळ उडाली आहे. सुरत पोलिस या प्रकरणाचा अधिक तपास करत आहेत.
(The above story first appeared on LatestLY on Jan 19, 2021 09:20 AM IST. For more news and updates on politics, world, sports, entertainment and lifestyle, log on to our website latestly.com).
