Samay Raina ला मोठा झटका! महाराष्ट्र सायबर सेलने व्हिडिओ कॉलवरून जबाब नोंदवण्यास दिला नकार

'इंडियाज गॉट टॅलेंट' (India's Got Talent) वादामुळे सध्या युट्यूबर्स समय रैना (Samay Raina), रणवीर अलाहाबादिया आणि अपूर्वा मखीजा हे चर्चेत आहेत. रणवीर अल्लाहबादियाने शोमध्ये त्याच्या पालकांबद्दल केलेल्या वादग्रस्त टिप्पणीमुळे हा वाद सुरू झाला, ज्यामुळे आता युट्यूबर्स अडचणीत आले आहेत. वादग्रस्त टिप्पणी प्रकरणात रणवीर इलाहाबादिया (Ranveer Allahabadia), समय रैना आणि अपूर्वा मखीजा यांना राष्ट्रीय महिला आयोगासमोर हजर राहावे लागणार आहे.

महाराष्ट्र सायबर सेल (Maharashtra Cyber ​​Cell) ने रैनाला त्यांचा जबाब नोंदवण्यासाठी वैयक्तिकरित्या हजर राहण्यास सांगितले आहे. त्यानुसार अपूर्व मखीजा आणि रणवीर इलाहाबादिया यांना 6 मार्च रोजी त्यांचा जबाब नोंदवावा लागेल आणि समय रैना यांना 11 मार्च रोजी राष्ट्रीय महिला आयोगासमोर हजर राहावे लागणार आहे. तथापी, समय रैनाने महाराष्ट्र सायबर सेलला सांगितले होते की, तो सध्या अमेरिकेत एक शो करत आहे, त्यामुळे तो भारतात येऊन जबाब नोंदवू शकत नाही. (हेही वाचा - SC On Ranveer Allahbadia: रणवीर इलाहाबादिया सर्वोच्च न्यायालयाकडून मोठा झटका; लवकर सुनावणी करण्यास न्यायालयाने दिला नकार)

व्हिडिओ कॉन्फरन्सिंगद्वारे जबाब नोंदवण्यास सायबर विभागाचा नकार -

समय रैना अमेरिकेत असल्याने त्यांनी सायबर विभागाला व्हिडिओ कॉन्फरन्सिंगद्वारे त्यांचा जबाब नोंदवण्यास सांगितले होते. परंतु, महाराष्ट्र सायबर विभागाने व्हिडिओ कॉन्फरन्सिंगद्वारे जबाब नोंदवण्यासाठी वेळ देण्याची विनंती स्वीकारली नाही. आता समय रैना 11 मार्च 2025 रोजी मुंबईत येऊन त्याचा जबाब नोंदवावा लागेल. (हेही वाचा -Rajpal Yadav on Ranveer Allahbadia : रणवीर अलाबादियाच्या वादग्रस्त विधानावर राजपाल यादव संतापला; म्हणाला, ‘आई-वडीलांनाही नाहीत सोडत’ (Watch Video))

दरम्यान, काही दिवसांपूर्वी रणवीर अलाहाबादिया यांनी राष्ट्रीय महिला आयोगाला सांगितले होते की, त्यांना जीवे मारण्याच्या धमक्या मिळत आहेत. यासोबतच त्यांनी सुनावणीसाठी नवीन तारीख देण्याची मागणी केली होती. आयोगाने त्यांची विनंती मान्य केली आहे, त्यानंतर रणवीर अलाहबादिया, अपूर्व मखीजा, आशिष चंचलानी आणि तुषार पुजारी यांना 6 मार्च रोजी हजर राहण्याचे निर्देश दिले आहेत. तथापी, जसप्रीत सिंग यांना 10 मार्च रोजी आयोगासमोर हजर राहण्याचे निर्देश देण्यात आले आहेत.

(The above story first appeared on LatestLY on Feb 17, 2025 03:18 PM IST. For more news and updates on politics, world, sports, entertainment and lifestyle, log on to our website latestly.com).