उत्सुकता संपली; बिग बी, आमीरच्या ‘ठग्स ऑफ हिंदोस्तान’च्या प्रदर्शनाची तारीख ठरली
यशराजचा बहुचर्चित 'ठग्स ऑफ हिंदुस्तान' येत्या दिवाळीत प्रदर्शित होत असून, या चित्रपटाद्वारे पहिल्यांदाच आमीर खान आणि अमिताभ बच्चन एकत्र दिसणार आहेत.
भारतीय चित्रपटसृष्टीमधील दोन दिग्गज कलाकार आमीर खान आणि अमिताभ बच्चन यांना पहिल्यांदाच एकत्र पाहण्याची संधी यशराजच्या ‘ठग्स ऑफ हिंदोस्तान’ मार्फत मिळणार आहे. हा चित्रपट विजय कृष्ण आचार्य दिग्दर्शित करत असून आमिर, अमिताभ यांच्यासोबतच या चित्रपटात सना शेख आणि कॅटरिना कैफ यांच्या मुख्य भूमिका आहेत. नुकताच यशराजकडून चित्रपटाचा लोगो प्रदर्शित करण्यात आला. यशराजने दिलेल्या माहितीप्रमाणे हा चित्रपट ऐन दिवाळीत ८ नोव्हेंबरला प्रदर्शित होणार आहे.
This Diwali, hold on to your hearts because the Thugs are coming. @TOHTheFilm releasing on 8th November, 2018. @SrBachchan | @aamir_khan | #KatrinaKaif | @fattysanashaikh | #VijayKrishnaAcharya | #ThugsOfHindostan pic.twitter.com/TIEdLn2tqx
— Yash Raj Films (@yrf) September 17, 2018
ठग्स ऑफ हिंदोस्तान हा चित्रपट लार्जर दॅन लाइफ असावा यासाठी यशराज फिल्म्स प्रोडक्शनने कोणतीच कसर बाकी ठेवली नाही. या चित्रपटाच्या आऊटडोअर चित्रीकरणासाठी निर्मात्यांनी पाण्यासारखा पैसा खर्च केला असल्याची चर्चा आहे. या चित्रपटाच्या काही दृश्यांचे चित्रीकरण माल्टा येथे करण्यात आले होते. आजवर बॉलिवूडच्या इतिहासात कोणत्याच आऊटडोर चित्रीकरणाला इतका पैसा वापरण्यात आलेला नव्हता असे म्हटले जाते.
(The above story first appeared on LatestLY on Sep 17, 2018 11:39 AM IST. For more news and updates on politics, world, sports, entertainment and lifestyle, log on to our website latestly.com).
