Lata Mangeshkar: गायिका लता मंगेशकरांच्या अंत्यदर्शनावेळी शाहरुख खानचा 'हा' फोटो होतोय व्हायरल, खरा हिंदुस्थान म्हणत नेटकऱ्यांनी केले कौतुक
शाहरुख खान (Photo Credits: Instagram)

गायिका लता मंगेशकर (Lata Mangeshkar) यांचे रविवारी मुंबईत निधन झाले. त्यांच्या निधनामुळे देशभरात शोककळा पसरली आहे. लतादीदींच्या निधनाचे वृत्त समजताच नेते, अभिनेते, सर्वच लोक त्यांचे अंतिम दर्शन घेण्यासाठी आले.  बॉलीवूडचा बादशाह शाहरुख खानही (Shah Rukh Khan) लता मंगेशकर यांच्या अंत्यसंस्कारापूर्वी त्यांना अखेरचा निरोप देण्यासाठी शिवाजी पार्कवर (Shivaji Park) पोहोचला. लतादीदींच्या पार्थिवावर पुष्प अर्पण केल्यानंतर शाहरुखने हात वर करून आपल्या पारंपरिक शैलीत दुआ वाचली, त्यानंतर लतादीदींच्या पायाला स्पर्श करून महारानींना अंतिम निरोप दिला. शाहरुखचा एक फोटो सोशल मीडियावर व्हायरल होत आहे, ज्यामध्ये तो लतादीदींच्या पार्थिवाच्या जवळ उभा राहून नमाज पठण करताना दिसत आहे.

इंटरनेटवर त्याचे छायाचित्र पाहिल्यानंतर लोकांनी अनेक प्रतिक्रिया दिल्या. येथे शाहरुख खान त्याच्या मॅनेजरसोबत दिसला. हा फोटो सोशल मीडियावर व्हायरल झाल्यानंतर अनेकांनी शाहरुखसोबत उभ्या असलेल्या महिलेला त्याची पत्नी गौरी खान समजले. शाहरुखच्या या फोटोला काही लोकांनी धार्मिक रंग देण्याचा प्रयत्न केला तर अनेकांनी याला खरा हिंदुस्थान म्हटले.

शाहरुख खान हे भारतीय संस्कृतीचे जिवंत उदाहरण असल्याचे लोक म्हणाले. ड्रग्ज प्रकरणी मुलगा आर्यन खानला अटक करून सोडल्यानंतर शाहरुख खान मीडियाच्या लाइमलाइटपासून दूर होता. मात्र, लतादीदींच्या निधनाची बातमी कळताच ते स्वत:ला रोखू शकले नाहीत आणि त्यांचे शेवटचे दर्शन घेण्यासाठी पोहोचले.