Don 3: रणवीर सिंग आणि कियारा अडवाणी स्टारर 'डॉन 3' बाबत मोठे अपडेट, या महिन्यापासून सुरू होणार शूटिंग!

Don 3: शाहरुख खानच्या 'डॉन' या सुपरहिट चित्रपटाच्या तिसऱ्या भागाची नुकतीच घोषणा करण्यात आली, ज्यामध्ये रणवीर सिंग आता नव्या डॉनच्या भूमिकेत दिसणार असून, त्याच्या सोबत कियारा अडवाणी दिसणार आहे. आता या चित्रपटाबाबत एक नवीन अपडेट समोर आले आहे, या चित्रपटाचे शूटिंग पुढील वर्षी फेब्रुवारीमध्ये सुरू होणार आहे. सूत्रांच्या हवाल्याने 'दैनिक जागरण'मध्ये ही माहिती प्रसिद्ध करण्यात आली आहे. या चित्रपटाचे शूटिंग मुंबई, दिल्ली, दुबई आणि युरोपमधील काही सुंदर लोकेशन्सवर होणार असल्याचे सूत्रांचे म्हणणे आहे. शाहरुख खानने 'डॉन'च्या पहिल्या दोन भागात डॉनची भूमिका साकारली होती. दोन्ही भाग बॉक्स ऑफिसवर सुपरहिट ठरले. रणवीर सिंग डॉन बनल्याची बातमी ऐकून त्याचे चाहते खूप उत्सुक आहेत. त्याचवेळी कियारा अडवाणीसोबतची त्याची जोडीही प्रेक्षकांना आवडेल अशी अपेक्षा आहे.

पाहा पोस्ट:

 

View this post on Instagram

 

A post shared by Bollywood & Indian Cinema (@bollywood_industry_news)

या वर्षाच्या सुरुवातीला चित्रपटाच्या प्री-प्रॉडक्शनचे काम सुरू झाले होते. फरहान जुलैपासून अभिनेता म्हणून त्याच्या पुढच्या चित्रपटाचे शूटिंग सुरू करणार आहे, चित्रपटाचे नाव अद्याप समोर आलेले नाही. दुसरीकडे, रणवीर या वर्षाच्या अखेरीस दिग्दर्शक आदित्य धरच्या अनटाइटेड ॲक्शन थ्रिलरचे शूटिंग करणार असल्याचे बोलले जात आहे. त्यानंतर दोघेही 'डॉन ३'वर काम सुरू करतील.