QuickLY
Socially
बॉलिवूडमध्ये सर्वाधिक गाणी गाण्याचा विक्रम असलेले गायक, अभिनेते एस पी बालसुब्रमण्यम (SP Balasubrahmanyam ) यांचे आज निधन झाले आहे. हिंदी सह भारतीय प्रादेशिक भाषांमध्ये आपल्या आवाजाने गारूड निर्माण करणारे एस पी बालसुब्रमण्यम यांनी आज अखेरचा श्वास घेतला आहे. दरम्यान अतिशय मितभाषी आणि नम्र स्वभावाच्या हरहुन्नरी गायकाची प्राणज्योत मालवली ही त्यांच्या चाहत्यांसह, सह कलाकारांना व्यथित करणारी बातमी आहे. त्यांच्या निधनाचं वृत्त समजताच भारताची गानकोकिळा लता मंगेशकर, बॉलिवूड कलाकार अक्षय कुमार, रितेश देशमुख यांच्यासोबतच राजकारणी सुप्रिया सुळे, उदयनराजे भोसले, खासदार अमोल कोल्हे यांनी आपली श्रद्धांजली सोशल मीडियावर अर्पण केली आहे.
80-90 च्या दशकात एस पी बालसुब्रमण्यम यांनी आपल्या आवाजाने बॉलिवूडला वेड लावले होते. अभिनेता सलमान खान याच्या 90 दी मधील अनेक ब्लॉकबस्टर सिनेमांसाठी त्यांनी पार्श्वगायन केले होते. सलमान साठी एस पी बालसुब्रमण्यम यांनी पहिल्यांदा फिल्म 'हम आपके है कौन मध्ये‘पहला पहला प्यार है’ गायलं ते लोकांना प्रचंड आवडलं. पुढे त्यांचा प्रवास सुरू राहिला. शाहरूख खानच्या चैन्नई एक्सप्रेसमध्ये त्यांनी टायटल ट्रॅक गायला आहे.
लता मंगेशकर ट्वीट
Pratibhashaali gayak,madhurbhashi ,bahut nek insan SP Balasubrahmanyam ji ke swargwas ki khabar sunke main bahut vyathit hun.Humne kai gaane saath gaaye,kai shows kiye.Sab baatein yaad aarahi hain.Ishwar unki aatma ko shanti de.Meri samvedanaayein unke pariwar ke saath hain.
— Lata Mangeshkar (@mangeshkarlata) September 25, 2020
रितेश देशमुख ट्वीट
हम बने तुम बने -एक दूजे के लिए। #SPBalasubrahmanyam ji -thank you for the amazing music: -with a heavy heart I say...साथिया या तूने क्या किया? Rest in glory Sir. Condolences to the family, loved ones & millions of fans world over. pic.twitter.com/YYlc9J1UGT
— Riteish Deshmukh (@Riteishd) September 25, 2020
सुप्रिया सुळे ट्वीट
प्रख्यात पार्श्र्वगायक पद्मभूषण एस्. पी. बालसुब्रह्मण्यम यांचे निधन झाले.त्यांच्या अकाली मृत्यूमुळे संगीत क्षेत्राचे कधीही न भरुन येणारे नुकसान झाले आहे.भावपूर्ण श्रद्धांजली. #SPBalasubramaniam pic.twitter.com/DKx9GtItHp
— Supriya Sule (@supriya_sule) September 25, 2020
अमोल कोल्हे ट्वीट
दिग्गज पार्श्र्वगायक पद्मभूषण एस्.पी. बालसुब्रह्मण्यम यांचे निधन झाले.. एस्.पी. महान गायक होते. शिवाय ते एक चांगले व्यक्ती देखील होते. संगीताच्या माध्यमातून ते सदैव स्मरणात राहतील.भावपूर्ण श्रद्धांजली. pic.twitter.com/winM3HlOkP
— Dr.Amol Kolhe (@kolhe_amol) September 25, 2020
दरम्यान, एस पी बालासुब्रमण्यम यांनी तेलगू, तामिळ, कन्नड, हिंदी, मल्याळम अशा चित्रपटांमध्ये गाणी गायली आहेत. त्यांनी 16 भारतीय भाषांमध्ये 40,000 पेक्षा जास्त गाणी रेकॉर्ड करणारे ते विक्रमवीर गायक ठरले आहेत. त्याची गिनिज बूक ऑफ रेकॉर्ड्समध्ये नोंद आहे. बालासुब्रमण्यम यांना त्यांच्या उत्कृष्ट गायकी कारकीर्दीत अनेक पुरस्कारांनी सन्मानित करण्यात आले आहे.
