Coronavirus च्या दहशतीमुळे शाहिद कपूर याच्या Jersey सिनेमाचे शूटिंग स्थगित; शाहिदची खास पोस्ट
अनेक उद्योगधंदे, व्यवसाय यांच्यावरही कोरोना व्हायरसचे सावट आहे. याचा परिणाम निश्चितच सिनेसृष्टीवरही झाला आहे. अनेक सिनेमांबरोबरच शाहिद कपूरच्या जर्सी सिनेमाचे शूटिंगही थांबवण्यात आले आहे.
देशासह राज्यात पसरणाऱ्या कोरोना व्हायरसने (Coronavirus) दहशत निर्माण केली आहे. त्यामुळे अनेक राज्यातील सिनेमागृह, नाट्यगृह, मॉल्स यांच्यासह शाळा, कॉलेजस बंद ठेवण्याचा निर्णय सरकारने घेतला आहे. अनेक उद्योगधंदे, व्यवसाय यांच्यावरही कोरोना व्हायरसचे सावट आहे. याचा परिणाम निश्चितच सिनेसृष्टीवरही झाला आहे. अनेक सिनेमांबरोबरच शाहिद कपूर (Shahid Kapoor) याच्या 'जर्सी' (Jersey) सिनेमाचे शूटिंगही थांबवण्यात आले आहे. याची माहिती शाहिद कपूरने सोशल मीडिया पोस्टद्वारे दिली आहे.
कोरोना व्हायरस पसरु नये म्हणून आपल्या परीने शक्य तितके प्रयत्न करणे ही आपली सामाजिक जबाबादारी आहे. त्यामुळेच जर्सी सिनेमाचे शूटिंग थांबवण्यात आले आहे. यामुळे जर्सी टीममधील सदस्यांना आपल्या कुटुंबियांसोबत घरी सुरक्षित राहता येईल. जबाबदार रहा. सुरक्षित रहा, अशा आशयाची पोस्ट शाहिदने केली आहे.
शाहिद कपूर ट्विट:
At a time like this it is our social responsibility to do everything in our capacity to curb the spread of this virus. Team #Jersey is suspending shoot so as to enable all unit members to be with their families and in the safety of their homes. Be responsible. Stay safe.❤️🙏
— Shahid Kapoor (@shahidkapoor) March 14, 2020
तेलुगू सिनेमाचा रिमेक असलेल्या 'जर्सी' सिनेमात शाहिद कपूर एका क्रिकेटरच्या भूमिकेत दिसणार आहे. या भूमिकेसाठी शाहिदने टीम इंडियाचा हिटमॅन रोहित शर्मा याच्याकडून ट्रेनिंग घेतले आहे. यापूर्वी सेटवर क्रिकेटचा सराव करताना शाहिद जखमी झाला होता. त्यामुळे शूटिंगही रद्द आले होते.
यापूर्वी कोरोना व्हायरसच्या दहशतीमुळे सलमान खान याच्या 'राधे' सिनेमाचा परदेश दौरा रद्द करण्यात आला होता. तर रणबीर कपूर आणि आलिया भट्ट यांच्या 'ब्रम्हास्त्र' सिनेमाचे शूटिंग पुढे ढकलण्यात आले. तसंच 'सूर्यवंशी' सिनेमाचे प्रदर्शनही लांबवण्यात आले आहे.
(The above story first appeared on LatestLY on Mar 14, 2020 04:41 PM IST. For more news and updates on politics, world, sports, entertainment and lifestyle, log on to our website latestly.com).
