Armaan Malik-Aashna Shroff Wedding Pics: लग्नाच्या बंधनात अडकला लोकप्रिय गायक अरमान मलिक; गर्लफ्रेंड आशना श्रॉफसोबत बांधली लग्नगाठ, पहा फोटोज
नवविवाहित जोडप्याने इन्स्टाग्रामवर लग्नाचे खास फोटो चाहत्यांसह शेअर केले आहेत. इतकंच नाही तर त्याने खास कॅप्शनसह लग्नाचे फोटो पोस्ट केले आहेत. अरमान मलिक आणि आशना श्रॉफ यांची प्रेमकहाणी त्यांच्या एंगेजमेंटच्या वेळी चर्चेत आली होती.
Armaan Malik-Aashna Shroff Wedding Pics: लोकप्रिय गायक अरमान मलिक (Armaan Malik) त्याच्या लग्नापासून त्याच्या लव्ह लाईफमुळे चर्चेत होता. आता त्याने गर्लफ्रेंड आशना श्रॉफ (Aashna Shroff) सोबत एका खाजगी समारंभात लग्न केले आहे. नवविवाहित जोडप्याने इन्स्टाग्रामवर लग्नाचे खास फोटो चाहत्यांसह शेअर केले आहेत. इतकंच नाही तर त्याने खास कॅप्शनसह लग्नाचे फोटो पोस्ट केले आहेत. अरमान मलिक आणि आशना श्रॉफ यांची प्रेमकहाणी त्यांच्या एंगेजमेंटच्या वेळी चर्चेत आली होती.
आता अरमान आणि आशना एकमेकांचे जोडीदार बनले आहेत. लग्नाच्या फोटोंमध्ये अरमानने पेस्टल शेडची शेरवानी घातली होती. तर, आशनाने लेहेंगा परिधान केला होता. ज्यामध्ये आशना खूपच सुंदर दिसत होती. दोघांच्याही चेहऱ्यावर लग्नाचा उत्साह दिसत आहे. (हेही वाचा -Shikhar Dhawan and Huma Qureshi Married? माजी क्रिकेटर शिखर धवन आणि हुमा कुरेशी अडकले विवाहबंधनात? सोशल मिडियावर फोटो व्हायरल, जाणून घ्या सत्य)
अरमानने कॅप्शनने जिंकली चाहत्यांची मने -
अरमान मलिकच्या कॅप्शनमुळे लग्नाचे फोटो अधिक खास बनले आहेत. 'तू माझे घर आहेस,' असे त्याने आपल्या फोटोजला कॅप्शन देताना म्हटलं आहे. अरमानच्या पोस्टवर चाहते प्रतिक्रिया देत आहेत. एका युजरने म्हटले, काय गोष्ट आहे, तुम्ही मन जिंकले आहे. लग्नाला शुभेच्छा देताना दुसऱ्या युजरने लिहिले, लग्नासाठी शुभेच्छा. त्याचवेळी तिसऱ्या युजरने दोघांचेही कौतुक करत कमेंट केली की, 'तुम्हा दोघांची जोडी सुंदर दिसतेय आणि तुम्हाला कोणाचीही नजर लागू नये.'
View this post on Instagram
अरमानने 2023 मध्ये केलं आशना श्रॉफला प्रपोज -
अरमान मलिकने ऑगस्ट 2023 मध्ये आशना श्रॉफला प्रपोज केले होते. नंतर, त्याने त्याच्या मैत्रिणीसाठी कसम से - द प्रपोजल नावाचा एक संगीत व्हिडिओ देखील जारी केला. सुमारे दोन महिन्यांनंतर, या जोडप्याने अधिकृतपणे साखरपुडा केला. ज्याची छायाचित्रे त्यांनी त्यांच्या चाहत्यांसह शेअर केली होती.
(The above story first appeared on LatestLY on Jan 02, 2025 02:47 PM IST. For more news and updates on politics, world, sports, entertainment and lifestyle, log on to our website latestly.com).
