'मणिकर्णिका' डॉलची सर्वत्र चर्चा; कंगना रनौत हिने ट्विटरवर शेअर केला फोटो
'मणिकर्णिका : द क्वीन ऑफ झांसी' सिनेमात बॉलिवूड क्विन कंगना रनौत हिने राणी लक्ष्मीबाईंची भूमिका वठवली होती. या सिनेमातील कंगनाची व्यक्तिरेखा आणि लूकची बाहुली बाजारात दाखल झाली आहे.
'मणिकर्णिका : द क्वीन ऑफ झांसी' (Manikarnika: The Queen of Jhansi) सिनेमात बॉलिवूड क्विन कंगना रनौत (Kangana Ranaut) हिने राणी लक्ष्मीबाईंची भूमिका वठवली होती. या सिनेमातील कंगनाची व्यक्तिरेखा आणि लूकची बाहुली बाजारात दाखल झाली आहे. 'मणिकर्णिका डॉल' (Manikarnika Doll) साडीत असून पारंपारिक आभूषणांनी सजलेली आहे. सिनेमातील कंगनाच्या लूकला साधर्म्य पावणारी ही बाहुली आहे. या बाहुलीचा फोटो कंगनाच्या टीमने सोशल मीडियावर शेअर केला आहे.
मणिकर्णिका डॉल लहान मुलांची नवी आवड बनत आहे. आपल्या हिरोजबद्दल शिकत मुलं मोठी होत आहेत. यातून देशभक्ती आणि शूरता याची प्रेरणा मिळेल, ही खूप चांगली गोष्ट आहे. असा मेसेज लिहित या डॉलचा फोटो कंगनाच्या फोटोसह ट्विट करण्यात आला आहे. (पूजा भट्ट आणि कंगना रनौत यांच्यात नेपोटिज्मवरुन ट्विटरवॉर; सुशांत सिंह राजपूत आणि रिया चक्रवर्ती यांच्या नात्यामध्ये महेश भट्ट यांना इतका रस का? कंगनाचा थेट सवाल)
Team Kangana Ranaut Tweet:
#Manikarnika Dolls are the new favourite for children.
It's nice when kids will learn about our heroes growing up and get inspired with patriotism and bravery. pic.twitter.com/ab8u0uG0Jj
— Team Kangana Ranaut (@KanganaTeam) July 9, 2020
'मणिकर्णिका : द क्वीन ऑफ झांसी' हा सिनेमा गेल्या वर्षी 25 जानेवारी रोजी प्रदर्शित झाला होता. यात कंगना रनौत प्रमुख भूमिकेत होती. विशेष म्हणजे कंगनाने दिग्दर्शित केलेला हा पहिला सिनेमा होता. याचाच अर्थ या सिनेमातून कंगनाने दिग्दर्शन क्षेत्रात पाऊल ठेवले. तसंच या सिनेमानंतर तिने आपल्या प्रॉडक्शन हाऊसचे नावही मणिकर्णिका फिल्म्स असे ठेवले आहे.
(The above story first appeared on LatestLY on Jul 10, 2020 12:41 PM IST. For more news and updates on politics, world, sports, entertainment and lifestyle, log on to our website latestly.com).
