Kaali Movie Controversy: काली चित्रपटाच्या पोस्टरवर संतापले चित्रपट निर्माते; सर्वोच्च न्यायालय आणि नुपूर शर्मा यांचा उल्लेख करत म्हटलं...
एका प्रसिद्ध चित्रपट निर्मात्याने काली चित्रपटाच्या या वादग्रस्त पोस्टरवर (Kaali Controversial Poster) आक्षेप घेत आपले मत व्यक्त केले आहे.
Kaali Movie Controversy: चित्रपट निर्मात्या लीना मनिमेकलाई (Leena Manimekalai)यांच्या आगामी माहितीपट 'काली' (Kaali) च्या पोस्टरमुळे एका नव्या वादाला तोंड फुटले आहे. सोशल मीडियावर या चित्रपटाचा सर्वत्र विरोध होत आहे. दरम्यान, आता एका प्रसिद्ध चित्रपट निर्मात्याने काली चित्रपटाच्या या वादग्रस्त पोस्टरवर (Kaali Controversial Poster) आक्षेप घेत आपले मत व्यक्त केले आहे. वास्तविक, या पोस्टमध्ये एका देवीला सिगारेट ओढताना दाखवलं आहे.
लीना मनिमेकलाई यांच्या काली या लघुपटाचे पोस्टर प्रदर्शित होताच त्याविरोधात जनक्षोभ उसळला आहे. दरम्यान, बॉलिवूडचे प्रसिद्ध चित्रपट निर्माते अशोक पंडित यांनी संताप व्यक्त केला आहे. अशोक पंडित यांनी नुकतेच त्यांच्या अधिकृत ट्विटर हँडलवर ट्विट केले आणि लिहिले की, नुकतेच उदयपूर हिंसाचारात ठार झालेल्या कन्हैया लालच्या हत्येप्रकरणी सर्वोच्च न्यायालयाने नुपूर शर्माला दोषी ठरवले आहे. अशा परिस्थितीत हिंदू देवता काली मातेला शिवीगाळ करणार्या चित्रपट निर्मात्यावर कोणतीही प्रतिक्रिया दिली जात नाही. त्यांना आता तुरुंगात पाठवले जाणार नाही का? (हेही वाचा - Sidhu Moose Wala Murder Case: दिल्ली पोलिसांना मोठ यश; सिद्धू मुसेवालावर गोळी झाडणारा शूटर अंकित सिरसा याला अटक)
Will the Supreme Court which blamed #NupurSharma for the killing of #kanahiyalal now take up this case of a filmmaker who has abused #HinduGoddess (Maa Kaali) and put her behind bars.
Will the begums of #UrbanNaxal gang & #Lutyensmedia condemn this. #ArrestLeenaManimekalai . pic.twitter.com/yo7r2otD8y
— Ashoke Pandit (@ashokepandit) July 4, 2022
अशोक पंडित यांच्या या वक्तव्यानंतर सोशल मीडियावर लोकांच्या प्रतिक्रिया येऊ लागल्या आहेत. ज्या अंतर्गत एका ट्विटर युजरने लिहिले आहे की, न्यायपालिका दंगल आणि दगडफेकीच्या घटनांमध्ये सामील असलेल्या लोकांचीच दखल घेते. आणखी एका युजरने लिहिले आहे की, जो कोणी हिंदू देवतांचा अशा प्रकारे अपमान करेल, त्याच्याविरुद्ध प्रत्येक जिल्ह्याच्या प्रत्येक पोलिस ठाण्यात गुन्हा दाखल करावा.
(The above story first appeared on LatestLY on Jul 04, 2022 08:57 PM IST. For more news and updates on politics, world, sports, entertainment and lifestyle, log on to our website latestly.com).
