Nitin Gadkari Advices Mercedes-Benz: 'मी देखील तुमची कार विकत घेऊ शकत नाही'; नितीन गडकरींनी मर्सिडीज बेंझला दिला उत्पादन वाढवण्याचा सल्ला

Nitin Gadkari Advices Mercedes-Benz: जर्मनी (Germany) ची आघाडीची लक्झरी वाहन निर्माता कंपनी मर्सिडीज-बेंझ (Mercedes-Benz) ने आज भारतीय बाजारपेठेत पहिली मेक-इन-इंडिया Mercedes-Benz EQS 580 इलेक्ट्रिक कार लॉन्च केली. केंद्रीय मंत्री नितीन गडकरी यांनी शुक्रवारी जर्मन प्रीमियम कार निर्मात्या मर्सिडीज-बेंझला स्थानिक पातळीवर अधिक गाड्यांचे उत्पादन करण्याचा सल्ला दिला आहे. पुण्यातील लोकार्पण सोहळ्यात बोलताना रस्ते वाहतूक आणि महामार्ग मंत्री नितीन गडकरी म्हणाले की, 'देशात इलेक्ट्रिक वाहनांची मोठी बाजारपेठ आहे. तुम्ही उत्पादन वाढवले, तर खर्च कमी करणे शक्य आहे. आम्ही मध्यमवर्गीय लोक आहोत. त्यामुळे मी देखील तुमची गाडी घेऊ शकत नाही.'

यावेळी नितीन गडकरी म्हणाले की, भारतात इलेक्ट्रिक वाहनांची मोठी बाजारपेठ आहे. देशात एकूण 15.7 लाख नोंदणीकृत इलेक्ट्रिक वाहने आहेत. उत्पादन वाढवल्यास खर्च कमी करणे शक्य आहे. आम्ही मध्यमवर्गीय लोक असूनही मी तुमची गाडी विकत घेऊ शकत नाही. (हेही वाचा - Seat Belt Compulsary For Rear Seat Also: आता मागच्या सीटवर बसणाऱ्यांनाही सीटबेल्ट लावणे अनिवार्य; केंद्रीय मंत्री Nitin Gadkari यांची घोषणा (Watch Video))

नितीन गडकरी पुढे म्हणाले की, एकूण ईव्ही विक्रीत 335 टक्के वाढ असलेली मोठी बाजारपेठ आहे. त्याचबरोबर देशात एक्सप्रेस हायवे आल्याने मर्सिडीज-बेंझ इंडिया या गाड्यांना चांगली बाजारपेठ मिळेल. भारतीय ऑटोमोबाईल्सचा आकार सध्या 7.8 लाख कोटी रुपयांचा आहे. त्यातील निर्यात 3.5 लाख रुपये आहे. 15 लाख कोटी रुपयांचा उद्योग बनवण्याचे माझे स्वप्न आहे.

मर्सिडीज-बेंझच्या वाहन स्क्रॅपिंग युनिट्सच्या स्थापनेसाठी संयुक्त उपक्रम स्थापन करण्याची कल्पनाही गडकरींनी यावेळी मांडली. आमच्याकडे सुमारे 1.02 कोटी वाहने स्क्रॅपिंगसाठी तयार आहेत. माझा अंदाज आहे की आपण एका जिल्ह्यात चार स्क्रॅपिंग युनिट्स उघडू शकतो म्हणजेच एकूण 2000 युनिट्स उघडू शकतो.

(The above story first appeared on LatestLY on Oct 01, 2022 05:14 PM IST. For more news and updates on politics, world, sports, entertainment and lifestyle, log on to our website latestly.com).