Russia Military Plane Accident: बेल्गोरोड येथे रशियाचे लष्करी विमान कोसळले, 65 कैद्यांसह 74 जणांचा मृत्यू (Video)
रशियन लष्करी Il-76 हे लष्करी वाहतूक विमान आहे जे सैन्य, मालवाहू, लष्करी उपकरणे आणि शस्त्रे वाहतूक करण्यासाठी वापरले जाते.
Russia Military Plane Accident: रशियामध्ये मोठा विमान अपघात झाला आहे. युक्रेनियन कैद्यांना घेऊन जाणारे विमान रशियात कोसळले आहे. पश्चिम बेल्गोरोड भागात रशियाच्या वेळेनुसार सकाळी 11 वाजता हा अपघात झाला. या विमानात 65 कैदी होते. राज्यपाल व्याचेस्लाव ग्लॅडकोव्ह यांनी अपघाताची पुष्टी केली. हे रशियाचे IL-76 लष्करी वाहतूक विमान आहे. विमानातील सर्व कैद्यांचा मृत्यू झाल्याचा दावा मीडिया रिपोर्ट्समध्ये करण्यात आला आहे. विमान क्रॅश झाले तेव्हा सहा क्रू मेंबर्स आणि तीन रक्षकांसह 74 जण विमानात होते, असे संरक्षण मंत्रालयाने सांगितले. अहवालानुसार या सर्वांचा मृत्यू झाला आहे. आरटी इंडियाने जारी केलेल्या व्हिडिओमध्ये, एक रशियन लष्करी वाहतूक विमान अचानक वेगाने खाली उतरताना आणि छोट्या रिफायनरीपासून काही अंतरावर कोसळताना दिसत आहे. अपघातानंतर विमानाला आग लागली. अपघाताच्या कारणाचा शोध सुरू आहे.
रशियन लष्करी Il-76 हे लष्करी वाहतूक विमान आहे जे सैन्य, मालवाहू, लष्करी उपकरणे आणि शस्त्रे वाहतूक करण्यासाठी वापरले जाते. या विमानात साधारणपणे पाच लोकांचा क्रू असतो आणि ते 90 प्रवासी घेऊन जाऊ शकतात. (हेही वाचा: US Shocker: इलिनॉय येथे सामुहित गोळीबार, आठ जण ठार, संशयित आरोपीची आत्महत्या)
पहा व्हिडिओ-
UPDATE: 74 people killed in Russia plane crash, no survivors - governor https://t.co/GA6bYV8PNX
— BNO News (@BNONews) January 24, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 24, 2024 06:36 PM IST. For more news and updates on politics, world, sports, entertainment and lifestyle, log on to our website latestly.com).
