Quad Summit 2024: अमेरिकेचे अध्यक्ष Joe Biden करणार क्वाड समिटचे आयोजन; 21 सप्टेंबर रोजी होणार महत्त्वाची बैठक
या परिषदेत चार देशांमधील धोरणात्मक सहकार्य मजबूत करण्यावर आणि इंडो-पॅसिफिक प्रदेशातील मुक्त क्षेत्राच्या सामायिक दृष्टिकोनाला पुढे नेण्यावर भर दिला जाईल.
Quad Summit 2024: युनायटेड स्टेट्सचे अध्यक्ष जो बिडेन हे शनिवार, 21 सप्टेंबर रोजी विल्मिंग्टन, डेलावेअर येथे चौथ्या वैयक्तिक क्वाड लीडर्स समिटचे आयोजन करणार आहेत. भारताचे पंतप्रधान नरेंद्र मोदी, ऑस्ट्रेलियाचे पंतप्रधान अँथनी अल्बानीज आणि जपानचे पंतप्रधान फुमियो किशिदा या महत्त्वपूर्ण शिखर परिषदेत सहभागी होणार आहेत. ही शिखर परिषद विशेष महत्त्वाची आहे, कारण सध्याच्या क्वाड नेत्यांची ही शेवटची बैठक असू शकते. राष्ट्राध्यक्ष बिडेन आणि जपानचे पंतप्रधान किशिदा या दोघांनीही आपल्या पदावरून पायउतार होण्याचा निर्णय घेतला आहे. भारत पुढील क्वाड समिटचे आयोजन करणार आहे.
या परिषदेत चार देशांमधील धोरणात्मक सहकार्य मजबूत करण्यावर आणि इंडो-पॅसिफिक प्रदेशातील मुक्त क्षेत्राच्या सामायिक दृष्टिकोनाला पुढे नेण्यावर भर दिला जाईल. चर्चेच्या प्रमुख मुद्यांमध्ये आरोग्य सुरक्षा, आपत्ती प्रतिसाद, सागरी सुरक्षा, पायाभूत सुविधांचा विकास, उदयोन्मुख तंत्रज्ञान, हवामान बदल, स्वच्छ ऊर्जा आणि सायबर सुरक्षा यांचा समावेश असेल. (हेही वाचा: Mohamed Muizzu to Visit India Soon: मालदीवचे राष्ट्राध्यक्ष मोहम्मद मुइझू लवकरच भारत दौऱ्यावर; दोन्ही देशातील संबंध आणखी दृढ करण्यावर भर)
जो बिडेन करणार क्वाड समिटचे आयोजन-
United States President Joe Biden will host the fourth in-person Quad Leaders Summit in Wilmington, Delaware, on Saturday, September 21. The President looks forward to welcoming Prime Minister Anthony Albanese of Australia, Prime Minister Narendra Modi of India, and Prime… pic.twitter.com/1aJbm7XqGC
— ANI (@ANI) September 12, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 12, 2024 11:11 PM IST. For more news and updates on politics, world, sports, entertainment and lifestyle, log on to our website latestly.com).
