US: अमेरिकेतील होंडुरासमधील कारागृहात महिला कैद्यांमध्ये गँगवॉर; हिंसाचारात 46 जणींचा मृत्यू
देशाच्या तुरुंग यंत्रणेच्या प्रमुख ज्युलिसा विलानुएवा यांनी या संपूर्ण घटनेवर दु:ख व्यक्त केले असून, दंगलीत सहभागी असलेल्या संघटित टोळीवर कारवाई केली जाईल, असे सांगितले.
अमेरिकेतील होंडुरासमधील महिला तुरुंगात एक धक्कादायक प्रकरण समोर आले आहे. येथे मंगळवारी झालेल्या दंगलीत किमान 46 महिलांचा मृत्यू झाला. अधिकाऱ्यांनी ही माहिती दिली. होंडुरासच्या राष्ट्रीय पोलीस तपास संस्थेचे प्रवक्ते युरी मोरा यांनी सांगितले की, तेगुसिगाल्पापासून वायव्येस सुमारे 50 किलोमीटर अंतरावर असलेल्या तमारा येथील महिला तुरुंगात दंगल आणि हिंसाचार झाला, ज्यामध्ये अनेक महिलांचा मृत्यू झाला. यातील काहींना गोळ्या लागल्या, काहींना जाळले, तर काहींच्यावर चाकूने हल्ला करण्यात आला. बेकायदेशीर कारवायांवरून दोन टोळ्यांमध्ये झालेल्या हिंसाचारामध्ये हे मृत्यू झाले आहेत.
देशाच्या तुरुंग यंत्रणेच्या प्रमुख ज्युलिसा विलानुएवा यांनी या संपूर्ण घटनेवर दु:ख व्यक्त केले असून, दंगलीत सहभागी असलेल्या संघटित टोळीवर कारवाई केली जाईल, असे सांगितले. कारागृहातील बेकायदेशीर कारवाया रोखण्यासाठी काही दिवसांपूर्वी कठोर प्रयत्न सुरू करण्यात आले आहेत, त्याला विरोध करण्यासाठीच दोन गटांमध्ये ही दंगल घडल्याचे सांगण्यात येत आहे. (हेही वाचा: Chicago Shootout Video: शिकागोच्या विलोब्रुकमध्ये अंधाधुद गोळीबार, 29 जणांना गोळ्या, पाहा व्हिडिओ)
#BREAKING Death toll from Honduras women's prison gang violence rises to 46: prosecutor's office pic.twitter.com/6CyUQI4jEl
— AFP News Agency (@AFP) June 21, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 21, 2023 08:08 PM IST. For more news and updates on politics, world, sports, entertainment and lifestyle, log on to our website latestly.com).
